Nú byrja kvinnufinalurnar

Í annaðkvøld bresta Kyndil og VÍF saman í fyrstu FM-finaluni av trimum møguligum. 

Vestmannakvinnur vunnu grundspælið, og hava tí havt rætt at velja um spælast skal á úti- ella heimavølli fyrst.

Avrátt er, at fyrsta finalan verður í Høllini á Hálsi og onnur verður í ítróttahøllini í Vestmanna. Ein sigur og ein javnleikur er nóg mikið at tryggja sær FM-heitið. Vinna liðini hvør sín dyst, verður talan um eina triðju finalu. Møgulig triðja finala verður eisini í Vestmanna. 

Somu lið hittust eisini í FM-finaluni í fjør. Tá skuldu tríggjar finalur til fyri at finna føroyameistaran. Tá vann VÍF.

Skrá
Mikudag kl. 20.00 – Høllini á Hálsi
Leygardag kl. 18.00 –  Ítróttahøllin í Vestmanna

 

U-landsliðini venja dúgliga

21. mai 2019

Øll ungdómslandsliðini í hondbólti eru altíð serliga virkin í summarmánaðunum og hetta summarið er einki undantak, tí stórar kappingar liggja fyri framman.

Kvinnulandsliðið úttikið

20. mai 2019

A-landsliðið við kvinnum fer nú undir fyrireikingarnar fram móti EM-undankappingini, ið byrjar í heyst. 

Hondbóltsgentur til Skjern at kappast

13. mai 2019

Í døgunum 16. til 20. mai fer eitt ferðalag við ungum hondbóltsleikarum, føddir í 2004 og yngri, til Skjern í Jútlandi at royna seg.