Nýggir deildarstuðlar

P/F SMS er nýggjur deildarstuðul í bestu mans- og kvinnudeildini í hondbólti.

Deildin hjá monnum eitur nú Okkara-deildin, meðan deildin hjá kvinnum eitur SMS-deildin.

– Vit vilja fegin stuðla føroyskum ítrótti. Stór menning er farin fram í hondbólti seinastu fáu árini, og vit vilja gjarna gera okkara til, at menningin kann halda fram. Vit hava tí valt at stuðla báðum deildum, og eg haldi, at Okkara- og SMS-deildin klingar væl, sigur Regin Dalsgaard, marknaðarstjóri í SMS-samtakinum.

Kappingarárið hjá Okkara- og SMS-deildini byrjar leygardagin 15. september.

Mynd: Eileen Sandá

SMS-deildin: VB – H71 útsettur

4. oktober 2019

Dysturin í SMS-deildini í morgin, leygardagin 5. oktober, millum VB og H71 er útsettur vegna óvissurnar um veðurforsøgnina og hetta í mun til avmarkingarnar hjá ferðamannaskipinum Prince.

Gott avrik móti Rumenia

29. september 2019

Føroyska kvinnulandsliðið spældi ein av sínum heilt góðu dystum móti hálvfinalistunum frá seinasta EM, Rumenia. Úrslitið av dystinum gjørdist 25-20 til Rumenia, eftir at Føroyar var á odda 12-11 í hálvleikinum.

Misjavnt – men glottar

25. september 2019

Føroyska kvinnulandsliðið tapti í kvøld 28-16 fyri Póllandi í fyrsta dystinum í EM-undankappingini. Hálvleiksstøðan var 12-8 til Póllands.