Nýggj avtala og nýggj landsliðsklæðir

Hondbóltssamband Føroya hevur skrivað undir nýggja klædnaavtalu og bóltaavtalu fyri komandi fýra árini við Select og Sport24, sum umboðar Select í Føroyum.

– Vit hava síðan 2014 brúkt pløgg og bóltar frá Select til okkara virksemi, og hava verið ógvuliga væl nøgd við dygdina, sigur Hallur Danielsen frá HSF.

Fyrsta sending av klæðum er komin til landið og í næstum verða tey prentað. Fyrsta spælisettið er sum vant hvítt við bláum strípum, meðan seinna spælisettið er blátt við hvítum strípum. Afturat dystarsettinum eru upphitingarklæðir, venjingarklæðir og frítíðarklæðir.

A-landsliðið við monnum verður fyrsta landsliðið, sum skal spæla í nýggju klæðunum, tá teir í heyst skulu dystast móti Montenegro og Danmark.

 

Mynd: Eileen Sandá

SMS-deildin: VB – H71 útsettur

4. oktober 2019

Dysturin í SMS-deildini í morgin, leygardagin 5. oktober, millum VB og H71 er útsettur vegna óvissurnar um veðurforsøgnina og hetta í mun til avmarkingarnar hjá ferðamannaskipinum Prince.

Gott avrik móti Rumenia

29. september 2019

Føroyska kvinnulandsliðið spældi ein av sínum heilt góðu dystum móti hálvfinalistunum frá seinasta EM, Rumenia. Úrslitið av dystinum gjørdist 25-20 til Rumenia, eftir at Føroyar var á odda 12-11 í hálvleikinum.

Misjavnt – men glottar

25. september 2019

Føroyska kvinnulandsliðið tapti í kvøld 28-16 fyri Póllandi í fyrsta dystinum í EM-undankappingini. Hálvleiksstøðan var 12-8 til Póllands.