Ov stórur biti

A-landsliðið við kvinnum tapti 33-17 fyri Serbia. 

Tað sást frá dystarbríksli, at stórur munur var á liðunum. Eftir eina lítla løtu var 5-0, og eitt skifti vóru níggju mál á muni. Miðskeiðis í fyrra hálvleiki raknaðu føroysku kvinnurnar tó við og tá farið var til hálvleiks var støðan 17-11 til Serbia.

Føroyar byrjaðu illa í seinna hálvleiki og tað gingu heili 18 minuttir áðrenn fyrsta málið varð skotið. Tá høvdu serbisku kvinnurnar langt seg á odda 26-12. Tað tyktist sum um, at stríðsviljin, ið av álvara má takast fram í slíkum dystum, manglaði hjá flestu føroysku leikarunum.

Seinastu minuttirnar eyndaðist Føroyum at forða fyri skotum og spæla seg ígjøgnum verjuna hjá stóru og breiðu serbunum, men opnir møguleikar vórðu brendir, umframt trý brostkøst.

Leygardagin er ikki minni trupul uppgáva, tá Føroyar spæla á útivølli móti Svøríki, ið varð nummar trý til HM í vetur.

Føroysku málskjúttarnir:
Súna Krossteig Hansen 4
Durita Cristophersen Jojic 3
Bjarta Osberg Johansen 2
Daniella Joensen 2
Maria Halsdóttir Weyhe 2
Marianna Geirsdóttir Eystberg 1
Bára Krossteig Hansen 1
Turið Arge Samuelsen 1
Heidi Maria Akselsen 1

Ísland vann báðar seinnu dystirnar

3. august 2020

Ísland vann bæði U16- og U18-kvinnulandystin, sum vóru í Høllini á Hálsi í dag.

Vunnu hvør sín dyst

1. august 2020

Um vikuskifti eru ungdómslandsdystir millum Føroyar og Ísland í Høllini á Hálsi. Talan er um U16- og U18-kvinnulandsliðini, sum spæla vinadystir.

Stroyming: Føroyar – Ísland

31. juli 2020

Ungdómskvinnulandsdystirnir millum U16- og U18-landsliðini hjá Føroyum og Íslandi kunnu stroymast á youtube-síðuni hjá HSF.