Ov stuttir móti Russlandi

Føroyska liðið tapti seinast EM-undankappingardystin í hesum umfarinum móti Russlandi 28-23, eftir hálvleiksstøðuna 12-11 til Russlands.

Føroyska liðið byrjaði dystin rættiliga væl og skiftust liðini um at vera á odda í fyrra hálvleiki. Nicholas Satchwell í føroyska málinum stóð heilt væl tað mesta av 1. hálvleiki og høvdu russar trupult við at skora.

Russar komu betri út til seinna hálvleik og vunnu seg nøkur mál fram um. Føroyska liðið vantaði nakað av neyvleiki í ávísum pørtum av spælinum og var møði eisini at síggja á liðnum. Munurin lá leingi ímilum trý og fýra mál til útiliðið, og tað varð tyngri og tyngri at koma upp at takkla teir í reyðum – allir í bakketuni lógu um tveir metrar, og vongleikarnir vóru eisini tryggir í sínum skotum.
Føroyska liðið fall ongantíð í fátt, og føroysku áskoðarnir vóru eisini væl við. Tá beint yvir fýra minuttir vóru eftir, høvdu okkara møguleika at minka niður í tvey, men tað eydnaðist ikki, og so var spenningurin burtur.

Føroyska liðið endar aftast í bólkinum við tveimum stigum fyri seks dystir. Føroyska liðið slapp við hesum úrslitinum undan at spæla niðurflytingarspæla, sum er fyri 4 tey niðastu liðini. Føroyska liðið var næstbest av teimum 8 liðunum, sum endaðu á fjórða plássi.

Málskjúttar hjá Føroyum:
Elias Ellefsen á Skipagøtu 6 (2)
Filip Jojic 3 (2)
Peter Krogh 3
Hákun West av Teigum 2
Pætur Mikkjalsson 2
Teis Horn Rasmussen 2
Jónas Gunnarsson Djurhuus 2
Rói Berg Hansen 2
Pætur Thomsen 1

Hesi halda skil á landsliðunum

26. januar 2023

Øll landsliðini hjá HSF hava ein liðleiðara tilknýttan, sum tryggjar at venjingar, kappingar og virksemi kring liðini sum heild gongur smidliga.

Spennandi HM-lutakast

17. januar 2023

Føroysku U21-mennirnir fingu eitt gott og spennandi lutakast til HM-endaspælið. Føroyar komu í bólk D saman við Spania, Japan og Angola.

Stroymið U21 HM lutakastið

17. januar 2023

Í dag kl. 15.00 verður lutakastið til U21 HM-endaspælið hjá monnum, sum verður leikt í Týsklandi og Grikkalandi.