Ov stuttir

Tað endaði við einum teprum tapi hjá U20 manslandsliðnum, sum í dag spældi sín fyrsta dyst í EM-kappingini í Makedonia. Føroyar taptu 24-26 fyri Litava.

Litavar løgdu seg á odda beinavegin við trimum málum, men eftir broyting í føroysku verjuni, varð leiðslan innheintað og Føroyar løgdu seg á odda. Tá farið var til hálvleiks var støðan 13-12 til Føroyar.

Stóran part av seinna hálvleiki lógu Føroyar omaná og førdu við einum og tveimum málum, men teir síðstu minuttirnar av dystinum tyktist tað sum fjáltur kom á menn. Fleiri skot vórðu brend, millum annað tvey brotskøst, og teir gjørdu feilir, ið kostaðu.

Í morgin klokkan 11.00 føroyska tíð, skulu Føroyar royna seg móti Grikklandi.

Málskjúttar:
Høgni Zachariasen 5
Niklas Højgaard Hanusarson 4
Brandur Halgirsson 3
Bartal Klein Olsen 3
Vilhelm Poulsen 3
Leivur Mortensen 2
Tróndur Wardum 2
Bergur Ákason 1
Hallur Arason 1

Kvinnulandsliðið styrkismett nr. 27 í Evropa

2. desember 2022

Næsta EM-endaspælið hjá kvinnum verður víðka frá 16 til 24 lið, á sama hátt sum EM-endaspælið hjá monnum er.

Bók um Elias

30. november 2022

Elias – ein hondbóltsstjørna, er heitið á nýggjari barnabók, sum Páll Holm Johannesen hevur skrivað.

Europeiskur hondbóltur á Hálsi

28. november 2022

Komandi vikuskiftið skulu H71-kvinnur spæla dystir í European Cup móti DHC Slavia Praha.