Seinasta leikaramenning fyri U14

Leygardagin 23. januar var seinasta leikaramenning fyri U14, árgangur 2006 og 2007, hetta kappingarárið.

Venjingin var á Argjahamri, har dentur var lagdur á verjuspæl við serligum atliti til flytføri, framskygni og  at stjala bóltar.

Genturnar í árgangi 06 og 07 enda teirra leikaramenning við einari venjingarlegu uttanlands. Tað er tó enn óvist, nær hendan verður vegna korona. Komandi kappingarár verður árgangurin til eitt landslið, har fyrsta uppgávan er U16 European Open 2022.

Dreingirnir halda áfram í leikaramennigini í eitt ár afturat, men komandi kappingarár koma árgangirnir 06 og 07 at venja saman, og koma at hava fleiri venjingar á skrá, og koma at enda við einari venjingarlegu uttanlands um várið 2022.

Venjarar eru: Morten Helwig og Jóhan Hofgaard hjá gentunum, meðan Christoffur Gert Nielsen og Terji Mørk eru venjarar hjá dreingjunum. Mladen Meri Mjerimacka er málverjavenjari.

Leikaramenning fyri árgangin 2008 hevur eina samling eftir hetta kappingarárið, og er hon í døgunum 27. – 28. februar.

HM-lutakast hjá kvinnum

27. juni 2022

Mikudagin kl. 10.00 verður lutakastið til HM-undankappingina hjá kvinnum.

U18-menn: EM-liðið er úttikið

21. juni 2022

Venjararnir Hjalti Jacobsen og Djóni Gaard Joensen hava úttikið 16 leikarar til U18 EM-endaspælið í Montenegro.

Durita Thomsen nýggj í starvsnevndin

16. juni 2022

Aðalfundur hjá HSF var í gjár. Á skránni var m.a. val  av nevndarlimum. Nýggj í starvsnevndini er Durita Thomsen úr Klaksvík.