Sjálvstøðug venjing

Haldið venjingina við líka!

Næstu tvær vikurnar eru hallirnar í Føroyum stongdar. Tað verður tí ikki møguligt at venja, spæla, ella fara til hondbólt. Hetta merkir tó ikki, at øll nú skulu vera púra óvirkin. Vit hava tí, saman við Hera Ziska, sum er kropsligur venjari hjá HSF, gjørt nøkur uppskot til, hvussu venjast kann í hesum steðginum.

Fleiri góðar grundir eru til at vera virkin, hóast venjingarhølini eru stongd. T.d
1. Færri skaðar verða, tá dystirnir og virksemi byrjar aftur.
2. Stundir eru til at gera ymiskar kropsligar venjingar, sum vanliga ikki verða gjørdar, meðan kappingin koyrir. T.d skaðafyribyrgjandi, einstakir vøddabólkar o.s.fr
3. Góðar stundir eru til tekniskar venjingar heima, sum ikki fylla so nógv til vanligu hallarvenjingarnar. T.d serligar fintir, skotvariantar móti veggi, skrúvubóltar o.s.fr.

Heri Ziska hevur gjørt eina styrki- og konditiónsskrá, sum kann lagast eftir tí virksemi, sum einstaki íðkarin hevði fyri steðgin. Tað merkir, at um ein íðkari, undan steðginum, vandi tríggjar ferðir hondbólt, so kann viðkomandi ístaðin renna tríggjar ferðir. Sama er galdandi fyri styrkivenjingina. Men viðvíkjandi styrkivenjingini mæla vit til, at øll venja minst tríggjar ferðir styrki í hesum tíðarskeiðinum.

Nógvir hættir eru at venja skaðafyribyrgjandi fyri m.a. knø, akslar og fótliðir. Hesar venjingar eru tíverri tíðum raðfestar ov lágt í dagligu venjingini. Komandi tíðarskeið gevur okkum høvi at styrkja hendan partin. Øll kunnu venja viðmæltu styrki- og konditiónsvenjingarnar, m.a tí, at í styrkivenjingini verður bara egin kropsvekt brúkt.

Vit skulu undirstrika, at hendan venjingin, fyri íðkarar, sum hava vant styrki leingið, ikki vigar upp í móti klassisku styrkivenjingini, men nú tann møguleikin ikki er, er hetta eitt tað besta vit kunnu seta ístaðin.

Tak venjingarætlanina niður her:
Ung og vaksin 13 og uppeftir
Børn 8-12

Ísland vann báðar seinnu dystirnar

3. august 2020

Ísland vann bæði U16- og U18-kvinnulandystin, sum vóru í Høllini á Hálsi í dag.

Vunnu hvør sín dyst

1. august 2020

Um vikuskifti eru ungdómslandsdystir millum Føroyar og Ísland í Høllini á Hálsi. Talan er um U16- og U18-kvinnulandsliðini, sum spæla vinadystir.

Stroyming: Føroyar – Ísland

31. juli 2020

Ungdómskvinnulandsdystirnir millum U16- og U18-landsliðini hjá Føroyum og Íslandi kunnu stroymast á youtube-síðuni hjá HSF.