Soleiðis verða finalurnar skipaðar

Í kvøld verða fyrstu hálvfinalurnar í Okkara-deildini, tá VÍF fær vitjan av H71. Hóskvøldið hittast Kyndil og Neistin í hinari hálvfinaluni. Aðru hálvfinalurnar eru sunnudagin.

Í hálvfinalunum skal vinnari finnast í hvørjum dysti. Er javnleikur eftir vanliga leiktíð, skal dysturin avgerðast við longdari leiktíð á tvær ferðir fimm minuttir. Er vinnari ikki funnin tá, skulu liðini út í brotskastkapping, har tey skjóta fimm brotskøst hvør. Stendur framvegis á jøvnum, skal brotskast skjótast, til dysturin er avgjørdur. 

Vinna hálvfinaluliðini hvør sín dyst, skal ein triðja hálvfinala spælast mikudagin 27. mars.

Tapandi liðini í hálvfinalunum skulu dystast um triðja plássið. Liðið, sum endar ovari í landskappingini eftir trý umfør hevur heimavøll.

Finaludystirnir
Liðini, sum vinna seg í finaluumførini, skulu spæla best av fimm finalum.  Sostatt skulu tríggjar vinnast fyri at vinna FM.

Liðið, sum endaði ovari í landskappingini eftir trý umfør, velur hvar fyrsti dystur skal leikast og hevur rætt til heimavøll í møguligum fimta dysti.

Leiksskráin
Mikudagin 20. mars
Kl. 20.00 hálvfinala 1: VÍF – H71

Hósdagin 21. mars
Kl. 20.00 hálvfinala 1: Kyndil – Neistin

Sunnudagin 24. mars
Kl. 16.00 hálvfinala 2: H71 – VÍF
Kl. 18.00 hálvfinala 2: Neistin – Kyndil

Mikudagin 27. mars
Møguligar triðju hálvfinalur

Kvinnulandsliðið styrkismett nr. 27 í Evropa

2. desember 2022

Næsta EM-endaspælið hjá kvinnum verður víðka frá 16 til 24 lið, á sama hátt sum EM-endaspælið hjá monnum er.

Bók um Elias

30. november 2022

Elias – ein hondbóltsstjørna, er heitið á nýggjari barnabók, sum Páll Holm Johannesen hevur skrivað.

Europeiskur hondbóltur á Hálsi

28. november 2022

Komandi vikuskiftið skulu H71-kvinnur spæla dystir í European Cup móti DHC Slavia Praha.