Spennandi summarkappingar á skránni

Kappingarárið 2019-20 fekk ein bráðan enda tíðliga í mars mánaði orsakað av korona-sóttini. Í hesum sambandi og ásannandi at hondbólturin í størri mun er við at gerast ein heilársítrótt, fer HSF at skipa fyri summarkappingum fyri kvinnur og menn. Kvinnukappingin kallast SMS-summarkappingin og manskappingin Okkara-summarkappingin.

Luttakandi liðini eru lið úr bestu deildunum í Føroyum, umframt ungdómslandsliðini og eitt úrvalslið hjá monnum, samansett av leikarum sum spæla uttanlands.

Kappingin er skipað soleiðis, at liðini eru deild í tveir bólkar og spæla einaferð móti hvørjum øðrum. Kappingin byrjar týsdagin 23. juni og spæla vinnararnir av bólkunum finalu leygardagin tann 11. juli.

Liðini í Okkara-summarkappingini eru:
Bólkur 1: H71, Kyndil, VÍF, U20-landsliðið.
Bólkur 2: Neistin, KÍF, Úrsvalsliðið, U18-landsliðið.

Liðini í SMS-summarkappingini eru:
Bólkur 1: Neistin, VB, U18-landsliðið.
Bólkur 2: Kyndil, H71, Stjørnan, U16-landsliðið.

Liðini fyrireika seg longu til komandi kappingarár og fyrireika U-landsliðunum seg somuleiðis til komandi altjóða uppgávur. Kappingin er eitt høvi hjá feløgunum at koma í gongd við dystir aftur og hjá hondbóltsglaðum áskoðarum at koma í hallirnar at síggja góðan hondbólt.

Leiksskráin fyri kappingina sæst her:
SMS- og Okkara-summarkapping 2020

HM-lutakast hjá kvinnum

27. juni 2022

Mikudagin kl. 10.00 verður lutakastið til HM-undankappingina hjá kvinnum.

U18-menn: EM-liðið er úttikið

21. juni 2022

Venjararnir Hjalti Jacobsen og Djóni Gaard Joensen hava úttikið 16 leikarar til U18 EM-endaspælið í Montenegro.

Durita Thomsen nýggj í starvsnevndin

16. juni 2022

Aðalfundur hjá HSF var í gjár. Á skránni var m.a. val  av nevndarlimum. Nýggj í starvsnevndini er Durita Thomsen úr Klaksvík.