Stórsigur til Føroyar

Føroyska A-landsliðið við monnum vann greitt, tá teir í kvøld spældu fyrra venjingardystin móti Grønlandi. Úrslitið varð 37-22.

Tað gekk javnt á upp til trý mál, men so byrjaðu Føroya at draga frá. Grønlendingar høvdu trupult við at koma ígjøgnum føroysku verjuna, meðan tað ikki skuldi nógv hóvasták til hjá føroyingunum at koma framvið grønlendsku verjuni.

Serliga Jónas Gunnarson Djurhuus var eyðsýndur í álopinum við góðum skotum, gjøgnumbrotum og fríspælingum í fyrra hálvleiki.

Hálvleiksstøðan var 18-11.

Í seinna hálvleiki helt sama gongdin fram. Peter Krogh leyp á bæði við høgra og vinsta armi, og alt tyktiskt at rigga, og Føroyar vunnu við 15 málum.

Føroyar og Grønland spæla aftur í morgin. Tað er klokkan 17.00 í Vestmanna.

Málskjúttar
Peter Krogh 8
Jónas G. Djurhuus 7
Allan Norðberg 4
Rókur Akralíð 3
Sámal á Tjaldrafløtti 3
Ròi Berg Hansen 3
Helgi Hoydal 3
Tróndur Kragesteen 2
Rúni Vest Højgaard 1
Rógvi Dal-Christiansen 1
Áki Egilsnes 1

HSF longt við U04-venjarar

23. november 2022

HSF hevur longt sáttmálarnar við verandi venjarar hjá U04-manslandsliðnum, Hjalta Mohr Jacobsen og Djóna Gaard Joensen.

Stjóri settur í HSF

17. november 2022

Hans Jón Thomsen er settur sum stjóri í Hondbóltssambandi Føroya. Talan er um eitt nýtt starv, sum í sambandi við økta virksemi skal styrkja um umsiting og leiðslu í sambandinum.

Leikaramenning 2022-23

15. november 2022

Seinastu tvey vikuskiftini hava 250 gentur og dreingir verið til leikaramenngin hjá HSF. Talan eru um leikarar føddir í 2008, 2009 og 2010. Samlingarnar hava verið í Havn og Klaksvík.