Strilti móti Sveis

Føroysku kvinnurnar taptu eisini seinna HM-undandystin í Minsk. Føroyar taptu í dag 26-18 fyri Sveis, eftir 14-11 í hálvleikinum.

Av hálvleikunum var hin fyrri betri í dag. Føroyska liðið spældi hampuliga væl upp við sveisisku kvinnunum at byrja við. Meira ferð var í álopsspælinum í dag, í mun til í gjár, og komu okkara eisini til betri málmøguleikar at byrja við. Tá 10 minuttir vóru leiktir, var bara eitt mál á muni, 5-4 til Sveis. Um miðjan fyrra hálvleik vóru okkara heldur óansnar við bóltinum, brendu illa og tveittu burtur. Hetta gjørdi, at Sveis kom framm um 10-5 eftir 20 minuttir. Okkara hálaðu tó nakað inn aftur og fóru til hálvleiks aftanfyri 14-11.

Føroyska liðið kempaði væl í verjuni allan dystin og 24 mál er ikki nógv at lata inn. Stóri trupulleikin var at fáa mál, serliga í seinna hálvleiki, tá okkara bara gjørdu 7 mál. Eisini var yvirtalsspælið ikki nóg gott og ov lítið fekst burturúr. Støðan eftir 40 minuttir var 16-14, men eftir hetta kom stígur í og Sveis dróg meir og meira frá.

Á føroyska liðnum spældi Bjarta Johansen ein góðan dyst. Hon stóð væl í verjuni og trekti fleiri útvísingar og vann fleiri brotskøst í álopinum, umframt málið hon eisini skeyt. Hartil stóð Annika Fríðheim Petersen aftur ein sera góðan dyst í dag og somuleiðis hevði Margit Weihe Fríðmundsdóttir nakrar bjargingar, tá hon kom inn í seinna hálvleiki.

Komandi uppgávan hjá føroysku kvinnunum verður EM-undan-undankappingin á heimavølli 4. – 6. juni, tá Finnland og Ísrael eru mótsstøðuliðini.

Málskjúttar hjá Føroyum:
Maria Halsdóttir Weyhe 4
Anna Brimnes 4
Marita Mortensen 2
Tóra Eliasen 2
Ásleyg Súnadóttir 2
Kristiannna Henneberg Joensen 2
Pernille Brandenborg 1
Bjarta Johansen 1

Annika Fríðheim Petersen, 50 min, 11 bjargingar
Martgit Weihe Fríðmundsdóttir, 10 min, 3 bjargingar

A-landsliðið hjá monnum er úttikið

13. apríl 2021

Venjararnir hjá A-landsliðnum hjá monnum, Sonni Larsen og Dia Midjord, hava úttikið 17 leikarar til dystirnar móti Russlandi og Kekkia, sum verða , 28. og 30. apríl og 2. mai.

Online barnavenjaraskeið

12. apríl 2021

Í mai mánaði skipar IHF fyri fleiri online barnavenjaraskeiðum. Øll kunnu melda seg til. Les meira um skeiðini her.

Dagført: Skráin fyri endaspælið

30. mars 2021

Dagført við kvinnuhálvfinalunum. Nú byrjar endaspælið í Burn- og SMS-kappingini og rúgvusmikla skráin er løgd.