Takk Sonni og Dia!

Tað er nú greitt, at dysturin í morgin móti Russlandi er hin seinasti hjá A-landsliðnum hjá monnum við Sonni Larsen, sum høvuðsvenjara, og Dia Midjord, sum hjálparvenjara.

Sáttmálarnir hjá venjaratoyminum ganga út í juni, og verða tað Peter Bredsdorff-Larsen og Lars Møller, sum taka við.

HSF vil takka venjarunum fyri tíðarskeiðið og tað framúr arbeiðið, sum liggur eftir. Dysturin móti Kekkia í gjár prógvar, hvussu langt liðið hevur flutt seg við tykkum við róðri.

Sonni Denis Vahlgren kom til Føroyar, at vera venjari í H71 í 2016 og var eisini venjari hjá ungdómslandsliðum fyri HSF fyrstu árini. Sonni vann meistaraheitið við monnunum hjá H71 trý ár á rað, í 2017, 2018 og 2019. Sonni var eisini við U21-landsliðnum til HM í Algeria, har Føroya fekk eitt flott 16. pláss av 24 liðum. A-landsliðið hjá monnum er í dag í stóran mun bygt upp kring hesar leikarar.

Sonni tók við sum A-landsliðsvenjari seint í 2017. Sonni hevur ført liðið ígjøgnum tvær HM-undankappingar og tvær EM-undankappingar. Fyrst við Jeppe Borch sum hjálparvenjara og síðani Dia Midjord. Merkisverd úrslit kunnu nevnast sum javnleikurin móti Montenegro í EM20-undankappingini, sigurin í HM21-undankappingini móti Luksemborg og nú heimasigurin móti Kekkia í EM22-undankappingini. Eitt eru sigrarnir og stigini, eitt annað er, at vit nú síggja okkara landslið fara inn á vøllin til hvønn dystin við andanum og viljanum at vinna, eisin móti stóru hondbóltstjóðunum.

HSF og alt hondbóltsføroyar vil takka venjartoyminum fyri tíðina og takk Sonni fyri títt stóra íkast til føroyskan hondbólt og bestu eydnu framyvir. Vit síggjast!

HSF longt við U04-venjarar

23. november 2022

HSF hevur longt sáttmálarnar við verandi venjarar hjá U04-manslandsliðnum, Hjalta Mohr Jacobsen og Djóna Gaard Joensen.

Stjóri settur í HSF

17. november 2022

Hans Jón Thomsen er settur sum stjóri í Hondbóltssambandi Føroya. Talan er um eitt nýtt starv, sum í sambandi við økta virksemi skal styrkja um umsiting og leiðslu í sambandinum.

Leikaramenning 2022-23

15. november 2022

Seinastu tvey vikuskiftini hava 250 gentur og dreingir verið til leikaramenngin hjá HSF. Talan eru um leikarar føddir í 2008, 2009 og 2010. Samlingarnar hava verið í Havn og Klaksvík.