Taptu við átta málum

Føroyar spældu væl í løtum og serliga í álopsspælinum riggaði væl í fyrra hálvleiki, men bitin varð ov stórur.

Menninir hjá Ukraina vóru væl størri og sterkari enn føroyingarnir og okkara menn høvdu tað trupult í verjuni. Úrslitið gjørdist 30-22 til Ukraina, eftir hálvleiksstøðuna 17-13.

Føroyar fingu eina heldur laka byrjan, brotskast varð brent og somuleiðis opnir møguleikar. Miðskeiðis í fyrra hálvleiki byrjaði at koma ferð á málskjótingina og okkara menn stríddust væl, men í seinna hálvleiki steðgaði alt upp. Føroyingarnir komu til málmøguleikarnar, men brendu ov nógv, og tað vóru stórir trupulleikar við at steðga stóru skjúttunum og strikuspælaranum hjá Ukraina, sum spæla í bestu týsku og fronsku deildini.

Í morgin bíðar ein minst líka torfør uppgáva, tá Føroyar hitta Rumenia. Tann dysturin byrjar kl. 15.30 og verður vístur í KVF og eisini sigur Rás2 frá.

Málskjúttarnir hjá Føroyum:

Peter Krogh 7
Nicklas Selvig 6
Jilmar Leon Jakobsen 3
Sámal á Tjaldrafløtti 2
Kjartan Johansen 2
Jónas Djurhuus 1
Fríði Weyhe 1

HSF longt við U04-venjarar

23. november 2022

HSF hevur longt sáttmálarnar við verandi venjarar hjá U04-manslandsliðnum, Hjalta Mohr Jacobsen og Djóna Gaard Joensen.

Stjóri settur í HSF

17. november 2022

Hans Jón Thomsen er settur sum stjóri í Hondbóltssambandi Føroya. Talan er um eitt nýtt starv, sum í sambandi við økta virksemi skal styrkja um umsiting og leiðslu í sambandinum.

Leikaramenning 2022-23

15. november 2022

Seinastu tvey vikuskiftini hava 250 gentur og dreingir verið til leikaramenngin hjá HSF. Talan eru um leikarar føddir í 2008, 2009 og 2010. Samlingarnar hava verið í Havn og Klaksvík.