Taptu við fýra málum fyri Finnlandi

A-landsliðið við monnum tapti seinnapartin fyrra venjingardystin móti Finnlandi. Úrslitið var 29-25.

Føroysku leikararnir løgdu annars út sum eitt ódnarveður og eftir lítlari løtu vóru Føroyar á odda við fimm málum. Føroyska verjan stóð stinn og tað var ógvuliga trupult hjá finnum at spæla seg gjøgnum hana.

Finsku leikararnir raknaðu tó við í seinnu hálvu av fyrra hálvleiki og byrjaðu at draga inn á Føroyar. Tá farið var til hálvleiks var støðan 10-11.

Í seinna hálvleiki riggaði einki hjá okkara monnum. Vinstribakkur hjá Finnlandi smoygdi sær í heilum fram við verjuni, samstundis sum finski spæliskiparin heili tíggju ferðir fann strikuleikaran.

Finnland fekk eina leiðslu á fýra mál, men nakað av spenningi kom aftur í dystin síðstu minuttirnar, tá Peter Krogh fimm ferðir buldraði bóltin í netið til ein mun á tvey mál. Síðstu løtuna fingu finnar eitt brotskast og eitt skjótálop og drógu fráaftur til endaliga úrslitið 29-25.

Føroyar skulu aftur royna seg móti Finnlandi í morgin klokkan 10.30 føroyska tíð.

Málskjúttar:
Peter Krogh 7
Rói Berg Hansen 5
Jónas G. Djuhuus 3
Helgi Hoydal 2
Fríði Weyhe 2
Tróndur Kragesteen 2
Vilhelm Vilhelmsen 1
Hans Eli Sigurbjørnsson 1
Brandur Halgirsson 1
Vilhelm Poulsen 1

Nýggir landsliðsvenjarar hjá U06-landsliðnum hjá monnum

22. september 2022

Kristinn Guðmundsson og Mark Lausen-Marcher eru settir í starv sum venjarar hjá U06-landsliðnum hjá monnum. Her er talan um dreingir føddir í 2006 og 2007.

Intersport Night Cup 2022

21. september 2022

Nýtið heystfrítíðina aktivt – VÍF bjóðar aftur í ár øllum hondbóltstáhugaðum at luttaka í  ársins Intersport Night Cup. Kappingin verður fyri U10, U12 og U14 gentur og dreingir.

A-landsliðið hjá monnum úttikið

20. september 2022

Landsliðsvenjararnir, Peter Bredsdorff-Larsen og Lars Porskær Møller, hava úttikið hesar 16 leikarar til EM-undandystirnar móti Ukraina og Eysturríki, sum verða ávikavist 12. og 16. oktober.