Tíðindi

Í sambandi við nýggju tilmælini

17. desember 2020

HSF hevur heitt á feløgini um til eina og hvørja tíð at fylgja tilmælunum frá myndugleikunum viðvíkjandi fyribyrgingini av koronasmittuni. Gingið verður út frá, at okkara myndugleikar eru tey, sum best duga at meta um, hvørji tiltøk eiga at verða sett í verk til eina og hvørja tíð.

Spælast skal uttan áskoðarar

16. desember 2020

Almennu myndugleikarnir hava boðað frá, at fyri at fyribyrgja korona smittuspjaðing, skulu øll ítróttatiltøk vera uttan áskoðarar til og við 3. januar. Sostatt skulu allir hondbóltsdystir spælast uttan áskoðarar til og við ásettu dagfesting.

Neistin og VÍF spæla mikudagin

14. desember 2020

Eftir at Ítróttadómstólurin hjá ÍSF hevur staðfest, at dysturin millum mansliðini hjá Neistanum og VÍF skal spælast umaftur, hevur Kappingarnevndin hjá HSF ásett dystin at verða mikudagin 16. desember kl. 20.00.

Úrskurður um Huldumálið

13. desember 2020

Ítróttadómstólurin hjá ÍSF hevur 12. desember gjørt úrskurð í kæruni frá hondbólstfeløgunum Neistanum og VÍF um úrskurðin hjá Dómsnevndini hjá HSF viðvíkjandi avgerðini um sonevnda Huldumálið. Ítróttadómstólurin staðfestur avgerðina hjá Dómsnevndini.

Beinleiðis hondbóltur á live.hsf.fo

11. desember 2020

Seinastu tíðina hava feløgini og HSF arbeitt við einum stroymingsportali, live.hsf.fo, har allir dystir í SMS- og Burn deildini og Faxe Kondi steypakappingini, umframt A- og U-landsdystir (tó treytað av upphavsrætti), verða stroymdir. Somuleiðis verða allir dystir í verandi kappingarári liggjandi á portalinum, soleiðis at eisini spældir dystir kunnu leitast fram aftur.

Faxe Kondi kappingin byrjar

2. desember 2020

Í kvøld byrjar Faxe Kondi kappingini hjá monnum. Talan er um undandyst til bólkaspælið hjá monnum og hittast SÍF og H71 2 á Giljanesi í kvøld kl. 20.00. Vinnarin av dystinum vinnur pláss í bólkaspælinum saman við teimum 7 liðunum úr Burn deildini.

Featured Video Play Icon

Fríkast – hondbóltsárið 2020/21

23. november 2020

Hvørji lið enda í topp 4? Hvørji lið bresta saman í FM-finalunum? Hvør leikari hevur skarað framúr? Hoyr Julian Johansen og Hjalta Mohr Jacobsen meta um hondbóltsárið higartil.

HM-undankappingin útsett

16. november 2020

HM-undankappingin hjá A-landsliðnum hjá kvinnum, sum skuldi verða 4. – 6. desember í Minsk, í Hvítarusslandi, er útsett. Kappingin er útsett til 19. – 21. mars 2021.

Dómsnevndin um huldumálið

16. november 2020

Dómsnevndin hevur gjørt úrskurð um kæruna um huldumálið í dystinum millum mansliðini hjá Neistanum og VÍF í Burn Deildini, sum var 11. okt.