Til reiðar at hitta Montenegro

Manslandsliðið spælur fyrsta EM-undankappingardystin í annaðkvøld. Mótstøðuliðið er Montenegro. Dysturin verður spældur í montenegriska høvuðsstaðnum, Podgorisa. 

Í kvøld var síðsta venjingin undan brakinum móti risunum úr Montenegro. Og tað eru ikki hvørjir sum helst, sum okkara menn skulu royna seg ímóti. Montenegrisku leikararnir spæla í bestu deildunum í Evropa. Teir flestu tátta í tveir metrar og viga væl omanfyri 100 kilo.

– Tað verður ein sera trupul dystur. Á pappírinum eru vit ikki á sama støði sum teir, men vit fara allir á vøllin at gera okkara ítarsta, sigur strikuleikarin hjá Føroyum, Helgi Hildarson Hoydal.

Landsdysturin millum Føroyar og Montenegro er í morgin, mikudagin, klokkan 16.30 føroyska tíð. Dysturin kann síggjast á ehftv.com.

Mynd: Eileen Sandá

SMS-deildin: VB – H71 útsettur

4. oktober 2019

Dysturin í SMS-deildini í morgin, leygardagin 5. oktober, millum VB og H71 er útsettur vegna óvissurnar um veðurforsøgnina og hetta í mun til avmarkingarnar hjá ferðamannaskipinum Prince.

Gott avrik móti Rumenia

29. september 2019

Føroyska kvinnulandsliðið spældi ein av sínum heilt góðu dystum móti hálvfinalistunum frá seinasta EM, Rumenia. Úrslitið av dystinum gjørdist 25-20 til Rumenia, eftir at Føroyar var á odda 12-11 í hálvleikinum.

Misjavnt – men glottar

25. september 2019

Føroyska kvinnulandsliðið tapti í kvøld 28-16 fyri Póllandi í fyrsta dystinum í EM-undankappingini. Hálvleiksstøðan var 12-8 til Póllands.