Trupult móti Hvítarusslandi

Føroysku U18-mennirnir høvdu tað trupult í fyrsta dystinum í Sparkassen Cup í Merzig í Týsklandi. Okkara taptu 22-19 fyri Hvítarusslandi, eftir hálvleiksstøðuna 16-11.

Okkara komu illa frá byrjan og vóru aftanfyri allan dystin. Hvítarussland legði bragdliga fyri og vóru frammanfyri 8-3 eftir 10 minuttir. Verjan stóð illa og málmaðurin fekk ikki rættiliga fatur. Í álopinum var ov illa brent og ov nógvar tekniskar villur. Roynt var við 7 móti 6 spæli einu løtuna, men hetta riggaði eiheldur nakað serliga væl.

Seinni hálvleikur var frægari. Álopið riggaði betri og Brandur Silvurstein í málinum hevði fleiri góðar bjargingar. Føroyar vunnu seg upp á 16-18 og høvdu yvirtalsstøðu, men hendan eydnaðist ikki serliga væl og mistu vit dystin hesa løtuna. Munurin gjørdist ov stórur og vóru vit ongantíð nær við at vinna dystin. Hóast glottar í spælinum í løtun, var hettar ikki okkara dystur, verjan fann aldrin rættiliga stevið, menn funnu ikki rættiliga hvønn annan í álopinum og ov nógvir møguleikar vóru brendir.

Dystargongdin (Leikt var 2×25 minuttir): 
5.min: 2-3
10.min 3-8
15 min: 5-11
20 min 9-12
30 min: 12-17
35 min: 13-18
40.min: 16-19
45 min: 17-22

Skráin í morgin:
Leygardagin 28. des kl. 13.00 Føroyar – Holland
Leygardagin 28. des kl. 18.20 Føroyar – HV Saar (Saarland – landslutir í Týsklandi har kappingin verður leikt)

Faxe Kondi steypavinnarar 2020

17. februar 2020

Stóra steypavikuskiftið í Høllini á Hálsi er farið afturum. Heili 12 finalur vórðu spældar og stór sum smá hava stríðst um gullið í 520 minuttir samanlagt.

Sjónvarp, útvarp og stroyming

14. februar 2020

Faxe Kondi steypafinalurnar í vikuskiftinum verða væl dekkaðar av fjølmiðlunum við sjónvarpi, útvarpi, stroyming og tekstafrásøgn.

HSF og Smyril Line leingja samstarvið

13. februar 2020

Hondbóltssambandið og Smyril Line hava longt sponsoravtaluna í tvey ár afturat. Gunn Ellefsen, forkvinna í HSF, og Henny á Líknargøtu, sølu- og marknaðarstjóri í Smyril Line vóru í gjár saman og undirskrivaðu sáttmálan.