Tvey greið tap fyri Íslandi

Kvinnulandsliðið leikti í vikuskiftinum tveir venjingardystir móti Íslandi í Hafnafirði. Báðir dystirnir endaðu við greiðum tapi.

Fyrri dysturin, sum var leygardagin endaði 28-20, meðan dysturin sunnudagin endaði 34-19. Sostatt var talan um tvey størri tap, men var talan um eitt føroyskt landslið við fleiri nýggjum andlitum og eitt lið sum fyrst og fremst skal spælast saman. Liðið spældi til tíðir væl, serliga í seinna hálvleiki í fyrra dystinum og í fyrra hálvleiki í seinna dystinum. Tó vóru fleiri løtur, har tað riggaði illa og var hetta revsa beinanvegin av royndara íslendska liðnum, sum runnu okkara niður.

Føroyska kvinnulandslið skal spæla aftur í mars mánaði, tá tær spæla tveir EM-undandystir móti Ukraina.

Leygardagin 23. november
Ísland – Føroyar 28-20
Málskjúttar: Pernille Brandenborg 5, Maria Halsdóttir Weyhe 4, Marita Mortensen 3, Marianna G. Eysteberg 3, Lív S. Poulsen 2, Kristianna H. Joensen, 2, Fríða á Dunga 1

Sunnudagin 24. november
Ísland – Føroyar 34-19
Málskjúttar: Tóra Eliasen 3, Kristianna H. Joensen 3, Martia Mortensen 2, Maria Halsdóttir Weyhe 2, Pernille Brandenborg 2, Marianna G. Eystberg 2, Lív S. Poulsen 2, Anna Brimnes 1, Ró Tova Nielsen 1

Besta mansdeildin eitur nú Burn deildin

12. september 2020

Hondbóltssambandið og SMS-samtakið hava longt samstarvið um bestu mans- og kvinnudeildina fyri kappingarárið 2020–21. Eisini er greitt, at besta mansdeildin skiftir navn og eitur nú Burn deildin. Burn er størsti veitari av venjing í Føroyum og hevur fleiri venjingarmiðstøðir kring landið.

Føroyski ítróttarheimurin kennir seg ótryggan

8. september 2020

Av heimasíðuni hjá ÍSF: Ein ótryggleiki, sum tarnar fría ítróttalívinum, hevur plantað seg í sambondunum undir ÍSF, eftir at tað frættist, at stuðulin til ítróttin lækkar 11 prosent í 2021, um landsstýrið ikki hækkar játtanina. Tað vísa afturmeldingar, sum ÍSF hevur fingið frá sambondunum. 

Kyndil og H71 vunnu Lionssteypini

7. september 2020

Árligu stórsteypadystirnir í hondbólti, har tey bestu farna kappingarár kappast um Lionsbikarið, vórðu spældir í Høllini á Hálsi í gjár.