U16 klárar til European Open

Føroysku U16-kvinnurnar skulu í komandi viku kappast í European Open í Gøteborg í Svøríki.

Sunnudagin fer liðið avstað úr Føroyum til Svøríkis, har tær hava fyrstu tveir dystirnar mánadagin.

Skráin fyri bólkaspælið sær soleiðis út:
Mánadagin 4. juli kl. 09.15 Svøríki – Føroyar
Mánadagin 4. juli kl. 15.30 Føroyar – Montenegro
Týsdagin 5. juli kl. 10.00 Føroyar – Hollandi

Allar tíðir eru føroyskar.

Mikudagin, hósdagin og fríggjadagin verður leikt millumrunda og síðani plaseringsdystir. Allir dystir verða stroymdir á ehftv.com

Føroyska liðið hevur fyrireika seg væl. Liðið hevur vant nógv saman og var í Íslandi herfyri, har liðið leikti tveir tættar dystir móti Íslandi. Í vikuni var liðið eisini á team-building túri í Vestmanna, har venjing og ymiskt sosialt var á skránni.

Venjarar hjá føroysku U16-kvinnunum eru Agnar Joensen og Kristinn Guðmundsson.


Europeiskur hondbóltur á Hálsi

28. november 2022

Komandi vikuskiftið skulu H71-kvinnur spæla dystir í European Cup móti DHC Slavia Praha.

HSF longt við U04-venjarar

23. november 2022

HSF hevur longt sáttmálarnar við verandi venjarar hjá U04-manslandsliðnum, Hjalta Mohr Jacobsen og Djóna Gaard Joensen.

Stjóri settur í HSF

17. november 2022

Hans Jón Thomsen er settur sum stjóri í Hondbóltssambandi Føroya. Talan er um eitt nýtt starv, sum í sambandi við økta virksemi skal styrkja um umsiting og leiðslu í sambandinum.