U16-kvinnur: Reistu seg móti Hollandi

Føroysku U16-kvinnurnar reistu seg veruliga eftir ósigrarnar í gjár við einum frálíkum 23-23 javnleiki móti Hollandi.



Holland var annars undan dystinum mett sum sterkasta liðið í bólkinum, men gjørdu okkara bart í dag.
Føroyska liðið var fyri tað mesta aftanfyri í fyrra hálvleiki og fóru okkara til hálvleiks aftanfyri 11-9.

Okkara vóru tó betra liðið í seinna hálvleiki og vóru frammanfyri við tveimum seinastu løtuna og kundu havt vunnið dystin. Tíverri eydnaðist hetta ikki heilt, men má javnleikurin metast sum eitt gott úrslit fyri Føroyar.

Í morgin byrjar millumrundan og sær skráin soleiðis út:
Mikudagin kl. 15.30 Føroyar – Finnland
Hósdagin kl. 10.00 Ísland – Føroyar
Hósdagin kl. 14.00 Lettland – Føroyar
Fríggadagin kl. 08.00 Føroyar – Estlands

Úrslit og støður frá kappingini síggjast her:
W16 European Open (eurohandball.com)

Málskjúttar hjá Føroyum:
Rakul Borgarlíð Joensen 7
Silja Geirsdóttir Eystberg 5
Joan Johannesen 3
Bára Reginsdóttir 2
Katrin Hansen 2
Agatha Djurhuus 2
Ró Reginsdóttir 1
Sára Sóleyardóttir Hórðará 1

U18-menn eru nummar 9 í Europa

14. august 2022

Føroyar eru nummar níggju í Evropa í U18-manshondbólti. Tað er greitt eftir ein flotta 29-27 sigurin á grannunum úr Íslandi í U18 EM-endaspælinum í Montenegro.

U18-menn: Eru nú í topp 10 í Europa

12. august 2022

Føroysku U18-mennirnir vunnu ein flottan og greiðan sigur á vertunum úr Montenegro í EM-endaspælinum. Úrslitið gjørdis 30-24, eftir hálvleiksstøðuna 15-10 til Føroyar.

Skeið í skaðafyribyrgjandi venjing

11. august 2022

Mikudagin og hósdagin 17. og 18. august verður skeið í skaðafyribyrgjandi venjing. Tað er Anja Greve, sum m.a. er fysioterapeut hjá danska manslandsliðnum, sum stendur fyri skeiðnum.