U16 til European Open

Holland, Ungarn, Litava og Georgia eru mótstøðulið í bólkaspælinum, tá føroysku U16 genturnar fyrst í juli taka lut í kappingini European Open. Kappingin, sum er døgunum 2. til 6. juli, verður hildin í svenska býnum Gøteborg, og hon er samstundis sum stóra summarkappingin Partille Cup.

Føroyska liðið hevur vant miðvíst til kappingina í Svøríki, sum er fyrsta avbjóðing uttanlands hjá hesum gentum. Á sumri næsta ár skulu genturnar royna seg í EM-undankappingini fyri U17-lið.

Í European Open kappingini í Svøríki taka tjúgu lond lut, harímillum sterkar tjóðir sum Svøríki, Russland, Norra, Spania og Frakland. Londini eru býtt sundur í fýra bólkar, har tvey tey bestu fara víðari í tveir bólkar, har hálvfinalistarnir skulu finnast. Hini tólv londini dystast um plaseringarnar frá níggju til 20.

Sekstan gentur úr H71, Kyndli, Neistanum, VÍF, VB, EB og StÍF eru við í hópinum. Venjarar eru Kári Nielsen, Dia Midjord, Anya Midjord og Jóhan Hofgaard.

Ferðalagið fer til Svøríkis sunnudagin 1. juli og er heima aftur eina viku seinni.

Tær, sum eru úttiknar eru:

Rannvá Olsen, VÍF
Rakul Wardum, Kyndil
Natasja Hammer, Kyndil
Vár Brattalíð, VB
Bára Hansen, H71
Jana Mittún, H71
Elsa Egholm, H71
Alda Gilladóttir, H71
Brynhild Pálsdóttir, H71
Lív Rúnadóttir, H71
Judith Johansen, STÍF
Lea Símunardóttir Lisberg, EB
Sára Jacobsen, EB
Petra Andrea Larsen, Neistin
Katrina Mortansdóttir, Neistin
Rúna Jógvansdóttir Larsen, Neistin

 

 

Ungu spælararnir størri leiklut

20. september 2018

Neistin er mest vinnandi kvinnulið í Føroyum. Síðan 1943 hevur bláa havnarliðið vunnið FM-heitið 41 ferðir. Seinast neistakvinnur vunnu FM var í 2016.

Stjørnan vil longur fram

18. september 2018

Klaksvíksdamur vóru at kalla einaráðandi í hondbólti í nullunum. Frá 2000 til 2010 vann Stjørnan FM-heitið seks ferðir og var í 10 steypafinalunum frá 2002 til 2011, har sjey teirra vórðu vunnar. Seinastu árini hevur Stjørnan tó runnið aftaná. 

Skulu vinna fleiri heimadystir

17. september 2018

StÍF endaði á einum fimta plássi í fjør við 18 stigum. Tað eiga teir at klára betur. Tað sigur Jóannes Prestá.