U17-kvinnur: Eitt mál restaði í

Føroyska U-17 liðið hjá kvinnum spældi í morgun javnleik móti Ukraina. Tað restaði sostatt bert eitt mál í at røkka hálvfinaluna í EM-kappingini í Georgia. Úrslitið gjørdist 26-26, eftir 15-13 til Ukraina í hálvleikinum.

Talan var um ein avgerandi dyst, har vinnarin fekk annað plássið í bólkinum og harvið pláss í hálvfinaluni. Føroyar skuldi vinna dystin, meðan Ukraina hevði nokk við javnleiki.

Føroyska liðið kom illa frá byrjan í dystinum. Spælið var stirvi, timingin sat ikki, okkara brendu ov nógvar møguleikar og gjørdu ov nógvar tekniskar villur. Føroyska liðið kom tó so spakuliga inn í dystin. Jana Mittún var serliga eyðsýnd saman við  Mariu Pálsdóttir Nólsoy, sum kom inn.

Munurin var bert tvey mál í hálvleikinum og einki var avgjørt. Føroyska liðið hekk í ukrainska og tá 10 minuttir restaðu komu okkara uppá javnt 23-23. Føroyska liðið var frammanfyri seinastu løtuna og hevði møgulleikan at avgera dystin seinasta álopinum, men tað eydnaðist ikki. Okkara vóru ikki nóg neyvar seinastu 5 minuttirnar og glapp hálvfinalan akkurát.

Føroyska liðið skal við hesum spæla um fimta plássið í kappingini.

Jana Mittún var vald til dagsins leikara hjá Føroyum í dystinum.

Dystargongdin: 
5 min: 1-3
10 min: 3-7
15 min: 4-9
20 min: 7–11
25 min: 11-14
35 min: 15-17
40 min: 16-20
45 min: 20-23
50 min: 23-23
55 min: 24-24
60 min: 26-26

Málskjúttar hjá Føroyum:
Jana Mittún 10
Maria Pálsdóttir Nólsoy 9 (3)
Lív Zachariasen 2
Brynhild Pálsdóttir 1
Rannvá Olsen 1
Elsa Egholm 1
Lea Mortensen Mørk 1
Elsa Holm Jacobsen 1

Úrslit og støður í kappingini síggjast her:
http://eurohandball.com/ech/01-02/17/women/2019/round/1/Championship+-+GEO

Myndir, stroyming o.a. sæst her:
https://w17ehf.geohandball.ge/

Fráboðan í smb. við korona

6. august 2020

Hondbóltssambandið fylgir korona-støðuni neyvt, nú smitta aftur er staðfest í samfelagnum. Vit vilja í fyrstu atløgu heita á feløgini um at steðga allari felags innandura venjing til týsdagin 11. august, tá vit vónandi kenna støðuna betri.

Ísland vann báðar seinnu dystirnar

3. august 2020

Ísland vann bæði U16- og U18-kvinnulandystin, sum vóru í Høllini á Hálsi í dag.

Vunnu hvør sín dyst

1. august 2020

Um vikuskifti eru ungdómslandsdystir millum Føroyar og Ísland í Høllini á Hálsi. Talan er um U16- og U18-kvinnulandsliðini, sum spæla vinadystir.