U17-kvinnur: Góðkent avrik

Føroysku U17-kvinnurnar taptu í morgun 30-26 fyri einum sterkum serbiskum liði í EM-kappingini í Tbilisi í Georgia.

Serbiska liðið var undan dystinum styrkismett ovast í bólkinum, sum eisini telur Bulgaria, Ukraina og Grikkaland. Føroysku kvinnurnar byrjaðu væl í verjuni, men gekk heldur strilti at fáa mál. Støðan eftir 5 minuttir var 2-1 til Serbia. Okkara vóru frammanfyri 1-0, men annars aftanfyri allan dystin. Tær hingu tó væl í Serbia og fóru til hálvleiks við støðuni 11-13. Føroyska liðið kempaði sera væl, men vóru heldur nógvar tekniskar villur og væntaði nakað av timing í samanspælinum. Serbiska verjan stóð sterk í 6-0 støðu og máttu okkara arbeiða sera hart fyri at kom í gjøgnum.

Føroyska liðið byrjaði væl í seinna hálvleiki og var støðan 16-17 eftir 10 minuttir. Tá fekk Føroyar eina útvísing og gjørdu okkara fleiri villur og kom Serbia fram um 20-16. Hesa løtuna mistu okkara dystin, Serbia kom fram um 27-21, áðrenn okkara svaraðu aftur og hálaðu nøkur mál inn til endaliga úrslitið 30-26 til Serbia.

Jana Mittún var vald til besta føroyska leikara í dystinum.

Í morgin spæla Føroyar og Bulgaria kl. 09.00 føroyska tíð.

Málskjúttar hjá Føroyum:
Jana Mittún 7
Elsa Egholm 5
Rannvá Olsen 4
Brynhild Pálsdóttir 3
Lív Bentsdóttir Zachariasen 3
Natasja Hammer 2
Maria Pálsdóttir Nólsoy 1
Frida Holm Jacobsen 1

Úrslit og støður í kappingini síggjast her:
http://eurohandball.com/ech/01-02/17/women/2019/round/1/Championship+-+GEO

Myndir, stroyming o.a. sæst her:
https://w17ehf.geohandball.ge/

Einar og Magni skulu venja U04 kvinnur

21. august 2019

HSF hevur gjørt eina tvey ára avtalu við Einar Jónsson, um at gerast landsliðsvenjari fyri U04 kvinnur. Magni Thomsen verður hjálparvenjari.

U17-kvinnur: Tryggjaðu fimta plássið

11. august 2019

Føroysku U17-kvinnurnar tryggjaðu sær í morgin 5. plássið í EM-kappingini í Tbilisi í Georgia. Føroyar vunnu ein greiðan 30-16 sigur á vertstjóðini, eftir 18-8 í hálvleikinum.

U17-kvinnur: Greiður sigur á Finnlandi

10. august 2019

Føroyar vann í morgun ein greiðan sigur á Finnlandi í kappingini um 5. plássið í EM-kappingini í Tbilisi, Georgia. Fyri at tryggja plássið skal Føroyar vinna móti Georgia í morgin. Úrslitið var 33-22 til Føroyar eftir 19-11 í hálvleikinum.