U17-kvinnur: Greiður sigur á Finnlandi

Føroyar vann í morgun ein greiðan sigur á Finnlandi í kappingini um 5. plássið í EM-kappingini í Tbilisi, Georgia. Fyri at tryggja plássið skal Føroyar vinna móti Georgia í morgin. Úrslitið var 33-22 til Føroyar eftir 19-11 í hálvleikinum.
Finska liðið byrjaði dystin betri, men eftir støðuna 5-5 fór Føroyar fram um heili 10-5 og var munurin 8 mál í hálvleikinum. Sigurin var ongantíð í vanda í seinna hálvleiki og øktu okkara munin til 11 mál.

Føroyska liðið skal í morgin kl. 11.00 spæla um 5. plássið í kappingini móti Georgia.

Lea Mortensen Mørk var vald til dagsins leikara hjá Føroyum í dystinum.

Málskjúttar hjá Føroyum:
Jana Mittún 7
Elsa Egholm 5
Maria Pálsdóttir Nólsoy 5
Lea Mortensen Mørk 4
Lív Bentsdóttir Zachariassen 3
Natasja Hammer 3
Vár Bentsdóttir Zachariassen 2
Brynhild Pálsdóttir 2
Rannvá Olsen 1
Sára Sigrunardóttir 1

Úrslit og støður í kappingini síggjast her:
http://eurohandball.com/ech/01-02/17/women/2019/round/1/Championship+-+GEO

Myndir, stroyming o.a. sæst her:
https://w17ehf.geohandball.ge/

Linkaðar treytir fyri lesandi leikarar

18. januar 2021

Nú ungdómskappingingarnar og lægri deildirnar í Danmark hava ligið stillar í longri tíð, vegna korona, eru fleiri leikarar, sum eru lesandi í Danmark, komnir heim og hava skift aftur til føroysk feløg.

Nú byrjar Faxe Kondi kappingin

14. januar 2021

Komandi vikuskiftið byrjar Faxe Kondi kappingin av álvara og kemur kappingin at vara heilt til vikuskiftið 20. – 21. februar, sum er stóra finaluvikuskiftið í Høllini á Hálsi.

Seinni landsdysturin eisini útsettur

6. januar 2021

Eftir ætlan skuldu Føroyar og Kekkia spæla seinna EM-undankappingardystin sínamillum komandi  leygardag í Pilzen í Kekkia. Hesin dysturin er nú eisini útsettur.