U17-kvinnur: Tryggjaðu fimta plássið

Føroysku U17-kvinnurnar tryggjaðu sær í morgin 5. plássið í EM-kappingini í Tbilisi í Georgia. Føroyar vunnu ein greiðan 30-16 sigur á vertstjóðini, eftir 18-8 í hálvleikinum.

Liðið fylgdust fyrstu løtuna og var støðan 5-4 til Føroyar eftir 10 minuttir. Tað var tó serliga um miðjan fyrra hálvleik, at føroyska liðið gjørdi eitt hál og fór heilt upp á 11-4. Toppskjúttin hjá Føroyum í kappingini, Jana Mittún var serliga eyðsýnd í fyrra hálvleiki við bæði gjøgnumbrotum og skjótálopum og gjørdi 7 mál í fyrra hálvleiki.

Sigurin var hálvavegna heima í hálvleikinum og tóku okkara fótin nakað av speedaranum í seinna hálvleiki. Munurin á 10 mál helt sær stóran part av seinna hálvleiki, áðrenn nøkur skjótálop at enda øktu munin upp í 14 mál, 30-16.

Natasja Hammer var vald til dagsins leikara hjá Føroyum í dystinum.

Málskjúttar hjá Føroyum:
Jana Mittún 9
Elsa Egholm 5
Rannvá Olsen 5
Natasja Hammer 5
Brynhild Pálsdóttir 3
Maria Pálsdóttir Nólsoy 2
Lív Bentsdóttir Zachariassen 3

Úrslit og støður í kappingini síggjast her:
http://eurohandball.com/ech/01-02/17/women/2019/round/1/Championship+-+GEO

Myndir, stroyming o.a. sæst her:
https://w17ehf.geohandball.ge/

HM-lutakast hjá kvinnum

27. juni 2022

Mikudagin kl. 10.00 verður lutakastið til HM-undankappingina hjá kvinnum.

U18-menn: EM-liðið er úttikið

21. juni 2022

Venjararnir Hjalti Jacobsen og Djóni Gaard Joensen hava úttikið 16 leikarar til U18 EM-endaspælið í Montenegro.

Durita Thomsen nýggj í starvsnevndin

16. juni 2022

Aðalfundur hjá HSF var í gjár. Á skránni var m.a. val  av nevndarlimum. Nýggj í starvsnevndini er Durita Thomsen úr Klaksvík.