U17-menn: Fyrsta plássið er tryggjað

U17-landsliðið tryggjaði sær í morgum fyrsta plássið í bólkinum í European Open. Føroyska liðið vann 28-23 móti Georgia eftir 16-11 í hálvleikinum.

Grundarlagið undir sigrinum var lagt fyrstu 15 minuttirnar av dystinum, har okkara løgdu seg á odda 11-5. Syskinabørnini Pauli Mittún og Elias á Skipagøtu vóru serliga eyðsýndir við góðum skotum og fríspælingum. Í seinna hálvleiki var verjuspælið ikki eins gott og tað hevur verið í stóran part av kappingini, serliga høvdu okkara trupult við at steðga stóra bakkinum hjá Georgia, Nikoloz Kalandaze, sum skeyt heili 11 mál. Eisini skutu vit málverjan hjá Georgia heldur heitan. Georgia hálaði nøkur mál inn og tá 8 minuttir restaðu, vóru bert tvey mál á muni. Okkara strammaðu tó í seinastu minuttirnar og var sigurin aldrin í vanda.

Noreg vann eisini í morgun móti Ísrael og merkir hetta, at føroyska liðið hevur tryggjað sær fyrsta plássið í bólkinum, hóast vit hava ein dyst eftir, sum er móti Ísrael kl. 15.30 í dag. FM1 sigur eisini frá tí dystinum og verður hann eisini stroymdur á EHFtv.com.

Málskjúttar:
Elias Ellefsen á Skipagøtu 10
Pauli Mittún 7
Janus Dam Djurhuus 5
Bogi Hansen 3
Viktor Gaini 2
Hákun West av Teigum 1

Úrslit og støður úr European Open síggjast her:
http://eurohandball.com/eopen/17/men/2019/round/1/Preliminary+Round

Tveir landsdystir móti Finnlandi

21. mars 2023

Føroyska kvinnulandsliðið skal spæla tveir dystir móti Finnlandi, ávikavist 4. og 5. apríl. Talan er um venjingardystir.

Lakari avrik móti Rumenia

11. mars 2023

Tað er stórur munur á heima- og útivølli í hondbólti. Hetta má staðfestast eftir stóra ósigurin móti Rumenia í dag. Føroyska manslandsliðið gjørdi nógv álopsmistøk og brendu nógvar málmøguleikar. Føroyar taptu 25-17, eftir 14-10 til rumenar í hálvleikinum.

Útselt til Føroyar – Ukraina

10. mars 2023

Eftir sigurin á Rumenia mikukvøldið, kom av álvara gongd á atgongumerkjasøluna til seinasta heimadystin í hesari EM-undankappingini, og vóru øll atgongumerkini til dystin móti Ukraina seld í gjár.