U17-menn: Tóku eisini Spania

Føroysku U17-menninir framdu ikki bert eitt, men tvey brøgd í dag. Fyrst vunnu teir 32-22 á Noreg, og í kvøld vunnu teir 31-27 móti Spania í European Open. Her er talan um tvey mótstøðulið av absolutt ovastu hill.

Liðini fylgdust væl at byrja við, men vóru spaniólar tvær reisur á odda við trimum málum í fyrra hálvleiki. Føroyska liðið kom tó væl afturíaftur báðu ferðirnar og var hálvleiksstøðan 16-15 til Spania. Spanska liðið tyktiskt eitt vet sterkari enn Noreg, men dekkaðu okkara aftur væl upp fyri kviku mótstøðuni. Elias á Skipagøtu serliga eyðsýndur í føroyska álopinum við góðum gjøgnumbrotum, knøppum skotum og flottum fríspælingum.

Føroyska liðið vann seg spakuliga fram um í leypi av seinna hálvleiki og var tað serliga málmaðurin Pauli Jacobsen, sum átti stóra leiklutin í hesum. Ferð eftir ferð diskaði hann upp við risa bjargingum og gjørdi lívið súrt fyri spaniólar.

Spaniólar royndu at koma longur fram at dekka í móti endanum av dystinum, men hildu okkara høvdið kalt og hálaðu eina risa sensasjón heim.

Í morgin spæla Føroyar móti Estlandi kl. 11 føroyska tíð. Estland tapti báðar sínar dystir í dag – 26-20 fyri Ísrael og 27-18 fyri Noreg. FM1 sigur frá dystinum og verður hann eisini stroymdur á EHFtv.com.

Málskjúttar hjá Føroyum:
Elias Ellefsen á Skipagøtu 11
Viktor Gaini 6
Pauli Mittún 5
Hákun West av Teigum 5
Janus Dam Djurhuus 2
Rói Ellefsen á Skipagøtu 2

Úrslit og støður úr European Open síggjast her:
http://eurohandball.com/eopen/17/men/2019/round/1/Preliminary+Round

Linkaðar treytir fyri lesandi leikarar

18. januar 2021

Nú ungdómskappingingarnar og lægri deildirnar í Danmark hava ligið stillar í longri tíð, vegna korona, eru fleiri leikarar, sum eru lesandi í Danmark, komnir heim og hava skift aftur til føroysk feløg.

Nú byrjar Faxe Kondi kappingin

14. januar 2021

Komandi vikuskiftið byrjar Faxe Kondi kappingin av álvara og kemur kappingin at vara heilt til vikuskiftið 20. – 21. februar, sum er stóra finaluvikuskiftið í Høllini á Hálsi.

Seinni landsdysturin eisini útsettur

6. januar 2021

Eftir ætlan skuldu Føroyar og Kekkia spæla seinna EM-undankappingardystin sínamillum komandi  leygardag í Pilzen í Kekkia. Hesin dysturin er nú eisini útsettur.