U17-menn: Týdningarleyst tap fyri Ísrael

Føroyska liðið tapti tepurt 18-16 fyri Ísrael, har vit spardu teir leikararnir, sum hava verið mest brúktir í kappingini.

Pauli Jacobsen, Pauli Mittún, Hákun West av Teigum og Elias á Skipagøtu, sum hava verið mest eyðsýndu leikararnir hjá Føroyum í kappingini, vóru ikki á vøllinum. Føroyar hevði vunnið bólkin undan dystinum og var hann uttan týdning fyri støðuna hjá Føroyum.

Føroyska liðið byrjaði við góðum verju og málmansspæli, men trilvandi álopi og var støðan enn 0-0 eftir 4 minuttir. Føroyska liðið tók tó dik á seg og var frammanfyri 9-5, tá 19 minuttir vóru farnir. Brian Slyne var eyðsýndur í álopinun, verjan stóð væl og Brandur Silvurstein hevði fleiri góðar bjarngar í málinum. Eftir hetta tódnaði tó til 10-8, sum var hálvleiksstøðan.

Í seinna hálvleiki var tætt millum liðini, føroyska liðið gjørdi tó ov nógvar villur. Tá 5 minuttir restaðu fór Ísrael fram um fyri fyrstu ferð í dystinum og megnaðu okkara ikki svara aftur og endaði við einum tvey-máls tapi 16-18

Málskjúttar hjá Føroyum:
Rói Ellefsen á Skipagøtu 5
Brian Slyne 4
Sakir Frýdal 2
Kristoffur Bjørgvin 2
Ragnar Karlsson 2
Baldur Gillason 1

Nýggir landsliðsvenjarar hjá U06-landsliðnum hjá monnum

22. september 2022

Kristinn Guðmundsson og Mark Lausen-Marcher eru settir í starv sum venjarar hjá U06-landsliðnum hjá monnum. Her er talan um dreingir føddir í 2006 og 2007.

Intersport Night Cup 2022

21. september 2022

Nýtið heystfrítíðina aktivt – VÍF bjóðar aftur í ár øllum hondbóltstáhugaðum at luttaka í  ársins Intersport Night Cup. Kappingin verður fyri U10, U12 og U14 gentur og dreingir.

A-landsliðið hjá monnum úttikið

20. september 2022

Landsliðsvenjararnir, Peter Bredsdorff-Larsen og Lars Porskær Møller, hava úttikið hesar 16 leikarar til EM-undandystirnar móti Ukraina og Eysturríki, sum verða ávikavist 12. og 16. oktober.