U17 til Georgia og U19 til Litava

Um vikuskiftið var lutakast til HM-undankappingina hjá U17- og U19-landsliðunum hjá kvinnum.

U19-landsliðið endaði í bólki saman við Kekkia, Kosovo og Turkalandi. Kappingin verður í Kaunas og Klaipeda í Litava í døgunum 15. til 21. juli.

Venjarar hjá U19 eru Per Klarup og Christoffur Gert Nielsen.

U17-landsliðið skal spæla móti Serbia, Bulgaria, Ukraina og Grikkalandi. Kappingin verður spæld í Tbilisi í Georgia í døgunum 3. til 11. august.

Vinnarin av HM-undankappingini hjá U17 í Georgia, vinnur seg til HM-endaspælið fyri U18, sum verður í 2020, og til EM-endaspælið fyri U19, ið verður í 2021.

Dia Midjord og Anya Skylv Midjord eru venjarar hjá føroyska U17-landsliðnum.

HSF longt við U04-venjarar

23. november 2022

HSF hevur longt sáttmálarnar við verandi venjarar hjá U04-manslandsliðnum, Hjalta Mohr Jacobsen og Djóna Gaard Joensen.

Stjóri settur í HSF

17. november 2022

Hans Jón Thomsen er settur sum stjóri í Hondbóltssambandi Føroya. Talan er um eitt nýtt starv, sum í sambandi við økta virksemi skal styrkja um umsiting og leiðslu í sambandinum.

Leikaramenning 2022-23

15. november 2022

Seinastu tvey vikuskiftini hava 250 gentur og dreingir verið til leikaramenngin hjá HSF. Talan eru um leikarar føddir í 2008, 2009 og 2010. Samlingarnar hava verið í Havn og Klaksvík.