U18 kvinnur: Fyrsti HM sigurin í hús

Føroysku U18 genturnar vunnu í morgun sín fyrsta dyst í HM-kappingini í Norðurmakedonia. Føroyar vunnu ein flottan sigur, 31-22 á Eysturríki, eftir hálvleiksstøðuna 15-12.

Tað var annars Eysturríki, sum byrjaði dystin best, og legði seg á odda. Men sum frá leið, fingu føroysku genturnar stýr á bæði verju-, álops- og málmansspæl, tær javnaðu og løgdu seg á odda.

Í hálvleikinum var støðan 15-12 til Føroyar

Í øðrum hálvleiki hevði føroyska liðið fullkomið tamarhald á dystinum, og lá framman fyri alla tíðina og økti støðugt um munin.

Úrslitið av dystinum gjørdist 31-22, og Føroyar gjørdist sostatt nummar trý í Bólki C í innleiðandi umfarinum eftir Danmark og Portugal.

Dagsins leikari var kosin føroyski málverjin, Silja Arngrímsdóttir Muller.

Føroyar skal nú spæla um plássini 17-32 í kappingini og er fyrsti dystur í morgin kl. 13.30 móti India. Føroyar spæla síðani fríggjadagin kl. 9.30 móti Kasakstan.

Málskjúttar hjá Føroyum:
Silja Olivia Heðinsdóttir 7
Lukka Arge 3
Inga Maria Roysdóttir 3
Bjørk Franksdóttir Joensen 3
Sára Sigrunardóttir Mikkelsen 3
Anna E. Halsdóttir Weyhe 2
Maria Pálsdóttir Nólsoy 2
Inga Maria Joensen 2
Karin Egholm 2
Karina Debes Heinesen 2
Barbara Hammer 1
Hanna Jakobsdóttir Dalsgarð 1 

U18-menn eru nummar 9 í Europa

14. august 2022

Føroyar eru nummar níggju í Evropa í U18-manshondbólti. Tað er greitt eftir ein flotta 29-27 sigurin á grannunum úr Íslandi í U18 EM-endaspælinum í Montenegro.

U18-menn: Eru nú í topp 10 í Europa

12. august 2022

Føroysku U18-mennirnir vunnu ein flottan og greiðan sigur á vertunum úr Montenegro í EM-endaspælinum. Úrslitið gjørdis 30-24, eftir hálvleiksstøðuna 15-10 til Føroyar.

Skeið í skaðafyribyrgjandi venjing

11. august 2022

Mikudagin og hósdagin 17. og 18. august verður skeið í skaðafyribyrgjandi venjing. Tað er Anja Greve, sum m.a. er fysioterapeut hjá danska manslandsliðnum, sum stendur fyri skeiðnum.