U18-kvinnur: Greiður sigur á India

Uttan at spæla framúr, staðfestu føroysku U18-kvinnurnar, at tær eru væl betri enn India. Okkara vunnu 27-22 í dag. Í steðginum vóru Føroyar á odda 14-9. India var betur við í seinna hálvleiki, men tað eydnaðist føroyska liðnum at halda frástøðuna.

Í niðara millumspælinum í bólki 2 hava Føroyar fýra stig, Kasakstan hevur tvey stig, meðan Eysturríki og India einki stig hava. Klokkan 15.30 spæla Eysturríki og Kasakstan.

Dagsins leikari og toppskjútti var Anna Elisabet Halsdóttir Weyhe, sum skjeyt 7 mál.

Føroyar spæla móti Kasakstan fríggjadagin klokkan 9.30. Um Føroyar enda ovast í bólkinum skulu okkara kvinnur spæla um plássini millum nummar 17 og 20. 

Málskjúttar hjá Føroyum
 Anna Elisabeth H. Weyhe 7. Bjørk Franksdóttir Joensen 5, Maria P. Nólsoy 4, Inga Maria Roysdóttir 2, Karin Egholm 2, Barbara Hammer 2, Lea Mohr 2, Lukka Arge 1, Sára S. Mikkelsen 1, Hanna J. Dalsgarð 1. 

U18-menn eru nummar 9 í Europa

14. august 2022

Føroyar eru nummar níggju í Evropa í U18-manshondbólti. Tað er greitt eftir ein flotta 29-27 sigurin á grannunum úr Íslandi í U18 EM-endaspælinum í Montenegro.

U18-menn: Eru nú í topp 10 í Europa

12. august 2022

Føroysku U18-mennirnir vunnu ein flottan og greiðan sigur á vertunum úr Montenegro í EM-endaspælinum. Úrslitið gjørdis 30-24, eftir hálvleiksstøðuna 15-10 til Føroyar.

Skeið í skaðafyribyrgjandi venjing

11. august 2022

Mikudagin og hósdagin 17. og 18. august verður skeið í skaðafyribyrgjandi venjing. Tað er Anja Greve, sum m.a. er fysioterapeut hjá danska manslandsliðnum, sum stendur fyri skeiðnum.