U18-menn í hálvfinaluni

Føroysku U18-menninir eru í hálvfinaluni í Sparkassen Cup eftir sigrar móti Hollandi og HV Saarland í dag.

Føroysku U18-menninir reistu seg aftur í dag og vunnu 26-20 móti Hollandi, eftir ósigurin móti Hvítarusslandi í gjár. Hálvleiksstøðn var 14-12 til okkara. Meira ferð var á spælinum hjá føroyska liðnum í dag og verjan stóð betri saman við málverjanum Brandi Silvurstein. Í álopinum vóru serliga eyðsýndir Elias á Skipagøtu, Hákun West av Teigum, Viktor Gaini og Baldur Gillason, sum stóðu fyri flestu málunum.

Í seinna dystinum sigraðu okkara móti vertunum HV Saar (Handball Verbund Saarland). Dysturin móti HV Saarland endaði 34-25 til okkara og skulu okkara sostatt spæla hálvfinalu móti Týsklandi í morgin. Týskland tykist sera sterkt og hevur vunnið hin bólkin sera sannførandi.

Hálvfinalan millum Føroyar og Týskland verður í morgin kl. 13.00 og kann stroymast her:
https://handball-deutschland.tv/handball/sparkassen-cup-2019-finalspiele

Kvinnulandsliðið styrkismett nr. 27 í Evropa

2. desember 2022

Næsta EM-endaspælið hjá kvinnum verður víðka frá 16 til 24 lið, á sama hátt sum EM-endaspælið hjá monnum er.

Bók um Elias

30. november 2022

Elias – ein hondbóltsstjørna, er heitið á nýggjari barnabók, sum Páll Holm Johannesen hevur skrivað.

Europeiskur hondbóltur á Hálsi

28. november 2022

Komandi vikuskiftið skulu H71-kvinnur spæla dystir í European Cup móti DHC Slavia Praha.