U18 og U20 til stórar kappingar

Ungdómslandsliðini hjá monnum skulu taka lut í spennandi EM-kappingum komandi summar. Dreingirnir, sum í juli vunnu European Open, hava møguleika at spæla seg í eitt endaspæl.

Mánadagin var lutakast í Wien til EM-kappingina hjá U18 og U20 við monnum. Bæði landsliðini fáa eina trupla-, men ikki eina ómøguliga uppgávu.

Avbjóðingin er stór
Kravið er at vinna kappingina, um U18 landsliðið skal gera sær nakrar vónir um eitt beinleiðis atgongumerki í eitt endaspæl. Við at vinna undankappingina fylgir beinleiðis atgongd til HM-endaspælið fyri U19 landslið í 2021 og EM-endaspælið fyri U20 landslið í 2022. Nummar tvey og trý skulu spæla eina millumrundu fyri at vinna seg í endaspælið. Væntast kann, at serliga Hvítarussland og Kekkia verða trupul lond at knúgva.

U20 landsliðið fær ikki eina minni trupla uppgávu, tá teir millum annað skulu hitta Pólland í bólkaspælinum. Enn er tó ikki váttað, hvør gularótin hjá vinnaranum av kappingini fyri U20 landslið verður, men líkt er til, at tað verður beinleiðis atgongd til HM-endaspælið fyri U21 landslið í 2021.

Lutakastið:

EHF Championships – U18 menn
Bulgaria, 17-23 august 2020
Bólkur A: Kekkia, Føroyar, Bulgaria, Stórabretland
Bólkur B: Hvítarussland, Slovakia, Finnland, Litava

EHF Championships – U20 menn
Bosnia, 3-12 juli 2020
Bólkur A: Pólland, Føroyar, Slovakia, Finnland, Bosnia,
Bólkur B: Kekkia, Holland, Montenegro, Estland, Grikkaland

 

 

Ísland vann báðar seinnu dystirnar

3. august 2020

Ísland vann bæði U16- og U18-kvinnulandystin, sum vóru í Høllini á Hálsi í dag.

Vunnu hvør sín dyst

1. august 2020

Um vikuskifti eru ungdómslandsdystir millum Føroyar og Ísland í Høllini á Hálsi. Talan er um U16- og U18-kvinnulandsliðini, sum spæla vinadystir.

Stroyming: Føroyar – Ísland

31. juli 2020

Ungdómskvinnulandsdystirnir millum U16- og U18-landsliðini hjá Føroyum og Íslandi kunnu stroymast á youtube-síðuni hjá HSF.