U20 ávegis til EM-kapping

U20 landsliðið við monnum er í dag farið av landinum. Teir skulu taka lut í EM-kapping í Skojpe í Makedonia.

Føroyar eru í bólki við Hvítarusslandi, Grikkalandi, Litava, Finnlandi og Estlandi. Fyrsti dysturin hjá Føroyum er móti Litava fríggjadagin.

U20 menninir hava vant dúgliga seinastu mánaðirnar. Teir, ið manna liðið, eru menn í bestu føroysku deildini og tveir garpar, ið eisini vóru á U21-landsliðnum, sum var til HM-endaspælið í Algeria í fjørsummar. Høvuðsvenjari er Mark Lausen-Marcher og hjálparvenjari er Hjalmar Klein Olsen.

Til ber at fylgja U20 landsliðnum á Instagram hjá HSF, sum eitur Faroe Islands Handball. Dystirnir hjá U20 verða stroymdir á heimasíðuni hjá evropeiska hondbóltssambandinum, eurohandball.com.

Landsliðshópurin:
Hørður Trygvason, SG Flensburg-Handewitt
Aron Kallsberg Jacobsen, Team Klaksvík
Ólavur av Fløtum Mittún, Kyndil
Tróndur Wardum, Kyndil
Bartal Klein Olsen, Kyndil
Jóni Guttesen Viderø, Kyndil
Leivur Mortensen, H71
Vilhelm Poulsen, H71
Niklas Højgaard Hanusarson, H71
Bergur Ákason, H71
Petur Dahl, H71
Brandur Halgirsson, SG Flensburg-Handewitt
Agga í Garðastovu, VÍF
Hallur Arason, VÍF
Høgni Zachariassen, Neistin
Djóni Jansson Petersen, STÍF 

U-landsliðini venja dúgliga

21. mai 2019

Øll ungdómslandsliðini í hondbólti eru altíð serliga virkin í summarmánaðunum og hetta summarið er einki undantak, tí stórar kappingar liggja fyri framman.

Kvinnulandsliðið úttikið

20. mai 2019

A-landsliðið við kvinnum fer nú undir fyrireikingarnar fram móti EM-undankappingini, ið byrjar í heyst. 

Hondbóltsgentur til Skjern at kappast

13. mai 2019

Í døgunum 16. til 20. mai fer eitt ferðalag við ungum hondbóltsleikarum, føddir í 2004 og yngri, til Skjern í Jútlandi at royna seg.