U20-kvinnurnar skulu dystast um HM-pláss

Lutakast til Women´s U20 World Championship – Qualification Europe 2018, verður mikudagin 22. november.

Frakland, Russland, Danmark og Ungarn hava longu spælt seg í kappingina, og nú skulu 26 lond kappast um tey síðstu níggju plássini, harímillum Føroyar.

Tað verða sjey bólkar við tveimum liðum og tveir bólkar við trimum liðum. Í bólki eitt og tvey koma tvey lið víðari, meðan eitt lið kemur víðari í hinum fimm bólkunum. Liðini eru styrkismett í trimum stigum. Tólv lond í rað 1., níggju lond í rað 2. og fimm lond í rað 3.

Vit kunnu fáa eitt sera torført lutakast, og vit kunnu fáa eitt meira spennandi luttakast.

Rað 1
Týskland, Holland, Noreg, Montenegro, Rumenia, Svøríki, Spania, Slovenia, Kroatia, Portugal, Serbia og Makedonia

Rað 2
Grikkaland, Pólland, Sveis, Eysturríki, Føroyar, Ísland, Slovakia, Turkaland og Ukraina.

Rað 3
Kekkia, Georgia, Litava, Bulgaria og Kosovo.

Lutakast verður samstundis um, hvar dystirnir verða spældir, sum skulu spælast 23. til 25. mars 2018. Tey londini, ið eru við, skulu hýsa øllum dystunum í hvørjum bólki.

Sjálvt HM-endaspælið verður í Ungarn dagarnar 1. til 15. juli næsta ár.

HSF longt við U04-venjarar

23. november 2022

HSF hevur longt sáttmálarnar við verandi venjarar hjá U04-manslandsliðnum, Hjalta Mohr Jacobsen og Djóna Gaard Joensen.

Stjóri settur í HSF

17. november 2022

Hans Jón Thomsen er settur sum stjóri í Hondbóltssambandi Føroya. Talan er um eitt nýtt starv, sum í sambandi við økta virksemi skal styrkja um umsiting og leiðslu í sambandinum.

Leikaramenning 2022-23

15. november 2022

Seinastu tvey vikuskiftini hava 250 gentur og dreingir verið til leikaramenngin hjá HSF. Talan eru um leikarar føddir í 2008, 2009 og 2010. Samlingarnar hava verið í Havn og Klaksvík.