U20-menn: Avsmurningur móti Ungarn

Okkara høvdu tað torført í dag móti einum sera sterkum ungarskum liðið, sum vísti onga náði og vann 40-21, eftir 19-8 í hálvleikinum.

Okkara fingu ongantíð veruliga hol á málskjótingina og misnýttu nógvar møguleikar. Sum fráleið gjørdist málmunurin so stórur, at tað tóktiskt vónleyst at koma aftur.

Støðan í hálvleikinum var 19-8, og venjararnir ásannaðu eisini, at hetta var ikki dagurin. Elias á Skipagøtu, sum eigur ein stóran leiklut á liðnum, hevur ein skaða at dragast við, og heldur ikki í dag var hann at síggja á vøllinum.

Fleiri leikarar, sum vit ikki hava sæð so nógv til seinastu dagarnar, fingu møguleikan og millum annað Bjarni í Selvindi úr StÍF gjørdi um seg í seinna hálvleiki.

Tað gjørdist sostatt bara til tann eina sigurin í hesum trimum fyrstu dystinum, og vit komu tískil víðari til næsta umfar í endaspælinum. Kortini er ikki liðugt hjá U20 monnunum, sum eru komnir í B-bólkin, og skulu aftur í eldin týsdagin.

Europeiskur hondbóltur á Hálsi

28. november 2022

Komandi vikuskiftið skulu H71-kvinnur spæla dystir í European Cup móti DHC Slavia Praha.

HSF longt við U04-venjarar

23. november 2022

HSF hevur longt sáttmálarnar við verandi venjarar hjá U04-manslandsliðnum, Hjalta Mohr Jacobsen og Djóna Gaard Joensen.

Stjóri settur í HSF

17. november 2022

Hans Jón Thomsen er settur sum stjóri í Hondbóltssambandi Føroya. Talan er um eitt nýtt starv, sum í sambandi við økta virksemi skal styrkja um umsiting og leiðslu í sambandinum.