U20-menn: Endaðu á flottum 10. plássi

Í kvøld spældu Føroyar ímóti Slovenia um 9. og 10 pláss í EM. Úrslitið var 28 – 25 til Slovenia, sum eftir fyrra hálvleik var frammanfyri 12 – 11.

Føroyska U-20 landsliðið hevur í kvøld sett punktum fyri fyrstu luttøkuna í EM endaspæli. Fasittið er, at Føroyar endaðu á tíggjunda plássi, og at Føroyar tryggjaðu sær rættin at luttaka í HM endaspælinum fyri U-21 landslið, sum frá 20. juni og fram til 2. juli í 2023 verður í Grikkalandi og Týsklandi.

Føroysku venjararnir lótu í kvøld fimm av teimum, sum higartil hava átt lyklaleiklutir, vera á beinkinum ella ikki at vera á listanum. Her verður hugsað um málverjan Paula Jacobsen, Elias Ellefsen á Skipagøtu, Hákun West av Teigum og brøðurnar Óla og Paula Mittún. Hesin síðsti var lítla løtu á vøllinum, meðan eingin av hinum var á vøllinum í kvøld.

Í málinum var Alexandar Lacok, sum var sera stinnur og bjargaði 13 av 40 royndum. Toppskjúttar á føroyska liðnum vóru Bjarni í Selvindi, sum var kosin dagsins føroyski spælari, og Bogi Hansen, sum skoraðu fimm mál. Merkisvert er tað, at ikki færri enn tíggju spælarar vóru málskjúttar í kvøld.

Málskjúttar hjá Føroyum:
Bjarni í Selvindi 5
Bogi Hansen 5
Rói Ellefsen á Skipagøtu 4
Baldur Gillason 2
Janus Dam Djurhuus 2
Kristoffur Bjørgvin 2
Ovi Lützen 2
Sveinur Olafsson 1
Sakir Tróndarson Frýdal 1
Viktor Gaini 1

U18-menn eru nummar 9 í Europa

14. august 2022

Føroyar eru nummar níggju í Evropa í U18-manshondbólti. Tað er greitt eftir ein flotta 29-27 sigurin á grannunum úr Íslandi í U18 EM-endaspælinum í Montenegro.

U18-menn: Eru nú í topp 10 í Europa

12. august 2022

Føroysku U18-mennirnir vunnu ein flottan og greiðan sigur á vertunum úr Montenegro í EM-endaspælinum. Úrslitið gjørdis 30-24, eftir hálvleiksstøðuna 15-10 til Føroyar.

Skeið í skaðafyribyrgjandi venjing

11. august 2022

Mikudagin og hósdagin 17. og 18. august verður skeið í skaðafyribyrgjandi venjing. Tað er Anja Greve, sum m.a. er fysioterapeut hjá danska manslandsliðnum, sum stendur fyri skeiðnum.