U20-menn: Hølvaðu Pólland av

Føroyingar høvdu gjørt sítt heimaarbeiðið og vunnu greitt 38-32 á Póllandi, eftir hálvleiksstøðuna 19-11 til okkara.

Føroyar byrjaðu trilvandi, gjørdu fleiri tekniskar villur og komu afturum 4-1 eftir fyrstu 5 minuttirnar. Føroyska liðið skifti hereftir yvir til 7 móti 6 og hepnaðist nú betri. Eftir 13 minuttir var Føroyar fyri fyrstu ferð á odda í dystinum. Óli Mittún var sera eyðsýndur í álopinum hesa løtuna. Verjan byrjaðu eisini um miðjan seinna hálvleik av álvara at fáa fatur saman við Paula Jacobsen í málinum, sum stóð sera væl. Verjan framprovokeraði fleiri polskar villur, sum eisini royndu seg 7 móti 6, tó uttan eydnu. Samstundis gekk væl í álopinum og fóru okkara til hálvleiks frammanfyri heili 19-11. Tað var serliga seinna helvt av fyrra hálvleiki, sum vann okkum dystin.

Føroyska liðið byrjaði seinna hálvleik við at brenna tveir stóran málmøguleikar og var verjuspælið ikki heilt so gott. Polakkar vunnu nøkur mál innaftur, áðrenn okkara náddu at svara aftur og lukka dystin. Polakkar royndu at koma heilt út at verja, men eydnaðist hetta als ikki, tá her var Óli Mittún heilt framúr at revsa. Pauli Mittún fekk sína triðju útvísing eftir 44 min, men nervaði hetta ikki stórvegis, tí dysturin var mestsum avgjørdur, tá støðan var 28-21.

Restina av dystinum fekk føroyska liðið spælt meira breitt og fingu fleiri leikarar roynt seg. Hjá fleiri hepnaðist væl. Eitt sindur av sløsi gjørdi at polakkar fingu minka um munin seinastu 5 minuttirnar, frá 10 málum niður í 6, men hevði hetta ongan týdning.

Eftir dystin var Óli Mittún kosin besti leikari hjá Føroyum, sum saman við Sveini Olafssyini var serliga eyðsýndur í dag.

Føroyar eru enn við í kappingini um 9. – 11. pláss, sum gevur beinleiðis atgongd til HM í 2023. Føroyar enda nummar tvey í millumrundunum og skulu møta nummar eitt í hinum bólkinum, sum verður Italia ella Ísland. Tann dysturin verður fríggjadagin.

Málskjúttar hjá Føroyum:
Hákun West av Teigum 7
Óli Mittún 6
Sveinur Olafsson 6
Rói Ellefsen á Skipagøtu 4
Elias Ellefsen á Skipagøtu 4
Janus Dam Djurhuus 3
Bogi Hansen 2
Baldur Gillason 1
Sakir Tróndarson Frýdal 1
Viktor Gaini 1
Kristoffur Bjørgvin 1
Bjarni í Selvindi 1
Pauli Mittún 1

Dystargongdin:
5 min. 1-4
10 min. 5-6
15 min. 9-8
20 min. 11-8
25 min. 16-11
30 min. 19-11
35 min. 21-14
40 min. 24-17
45 min. 28-21
50 min. 31-23
55 min. 35-26
60 min. 38-32

U18-menn eru nummar 9 í Europa

14. august 2022

Føroyar eru nummar níggju í Evropa í U18-manshondbólti. Tað er greitt eftir ein flotta 29-27 sigurin á grannunum úr Íslandi í U18 EM-endaspælinum í Montenegro.

U18-menn: Eru nú í topp 10 í Europa

12. august 2022

Føroysku U18-mennirnir vunnu ein flottan og greiðan sigur á vertunum úr Montenegro í EM-endaspælinum. Úrslitið gjørdis 30-24, eftir hálvleiksstøðuna 15-10 til Føroyar.

Skeið í skaðafyribyrgjandi venjing

11. august 2022

Mikudagin og hósdagin 17. og 18. august verður skeið í skaðafyribyrgjandi venjing. Tað er Anja Greve, sum m.a. er fysioterapeut hjá danska manslandsliðnum, sum stendur fyri skeiðnum.