Úrvalsvenjaraútbúgving

Í vetur hevur HSF aftur úrvalsvenjingarútbúgving á skrá. Útbúgvingin telur 5 skeið á 4 dagar. Hesi eru 1. verja, 2. álop, 3. verja, 4. toymisleiðsla og sálarfrøði, 5. kropslig venjing, málverjar og pedagogikkur.

Skeiðini verða hesar dagar:
20.–23. oktober 2022 – Verja
30. mar–2. april 2023 – Álop
13.–16. april 2023 – Toymisleiðsla og sálarfrøði
18.–21. mai 2023 – Kropslig venjing
8.–11. juni 2023 – Málverjar og pedagogikkur

Skeiðini eru hóskvøld, fríggjakvøld, allan leygardag og sunnudag fyrra- og seinnapart. Tað er krav, at hava tikið øll 5 skeiðini fyri at sleppa víðari til testskeiðið, sum er næsta stig á útbúgvingarstiganum.

Skeiðini kosta 2.000 fyri hvørt. Meldast kann til, við at senda teldupost til mark@hsf.fo.

Skeiðini verða hildin í samstarvi við danska hondbóltssambandið, DHF, og teirra undirvísarar, herundir føroyska kvinnulandsliðsvenjaranum Sonni Larsen

Útbúgvingin er góðkend í EHF Rinck Convention, kategori 2, har luttøka í øllum 5 skeiðunum og prógv, gevur atgongd til næsta stig, sum er eitt testskeið. Les meira um skeiðini og útbúgvingarstigan her: Venjaraútbúgving – HSF

HSF longt við U04-venjarar

23. november 2022

HSF hevur longt sáttmálarnar við verandi venjarar hjá U04-manslandsliðnum, Hjalta Mohr Jacobsen og Djóna Gaard Joensen.

Stjóri settur í HSF

17. november 2022

Hans Jón Thomsen er settur sum stjóri í Hondbóltssambandi Føroya. Talan er um eitt nýtt starv, sum í sambandi við økta virksemi skal styrkja um umsiting og leiðslu í sambandinum.

Leikaramenning 2022-23

15. november 2022

Seinastu tvey vikuskiftini hava 250 gentur og dreingir verið til leikaramenngin hjá HSF. Talan eru um leikarar føddir í 2008, 2009 og 2010. Samlingarnar hava verið í Havn og Klaksvík.