Væleydnað workshop fyri kvinnuligar vengur

Í vikuskiftinum skipaði HSF fyri serligari verkstovu fyri kvinnuligar vengur saman við fyrrverandi danska landsliðsleikaranum og OL-vinnaranum Henriette Mikkelsen og Mads Møller, venjara.

Verkstovan var fyri vengur á A-landsliðnum og ungdómslandsliðunum á kvinnusíðuni. Eisini luttóku fleiri venjarar. Talan var um eitt sera gevandi skeið við íblástri til bæði leikarar og venjarar, sum tey kunnu taka við sær heim í feløgini. Tað var serliga hugtakandi at hoyra fleirfaldaða Champions League vinnararan og Olympiskar meistaran seta orð á, hvat skal til fyri at klára seg á hægstu rók og á hvønn hátt tað er serstakt at spæla sum vongur. Talan var bæði um fyrilestur og um praktiska venjing í høllini við áherðslu á tekniska venjing.

Nýggir landsliðsvenjarar hjá U06-landsliðnum hjá monnum

22. september 2022

Kristinn Guðmundsson og Mark Lausen-Marcher eru settir í starv sum venjarar hjá U06-landsliðnum hjá monnum. Her er talan um dreingir føddir í 2006 og 2007.

Intersport Night Cup 2022

21. september 2022

Nýtið heystfrítíðina aktivt – VÍF bjóðar aftur í ár øllum hondbóltstáhugaðum at luttaka í  ársins Intersport Night Cup. Kappingin verður fyri U10, U12 og U14 gentur og dreingir.

A-landsliðið hjá monnum úttikið

20. september 2022

Landsliðsvenjararnir, Peter Bredsdorff-Larsen og Lars Porskær Møller, hava úttikið hesar 16 leikarar til EM-undandystirnar móti Ukraina og Eysturríki, sum verða ávikavist 12. og 16. oktober.