Vælkoyrandi saman við P/F Wenzel

Hondbóltssambandið og P/F Wenzel hava longt samstarvsavtaluna í tvey ár og verður P/F Wenzel sostatt verandi stórstuðul og bilveitari hjá HSF í 2021 og 2022.

Til nýggja sáttmálan viðmerkir Rúni Djurhuus, stjóri hjá P/F Wenzel:
– Tað er stuttligt at stuðla hondbóltinum.  Hann hevur sjálvur altíð verið áhugaður í hondbólti og eru teir ernir av at stuðla HSF, sum er ein fyrimyndi fyri ítróttin. Tað hevur verið serliga stuttligt at fylgja landsliðunum og vera ein sjónligur stuðul á klæðunum. Hondbólturin er ein av stóru ítróttargreinunum í Føroyum og haldi eg landsliðsarbeiðið vera sera týdningarmikið og at føroyska tjóðin við erni kann savnast um hesi, sigur Rúni Djurhuus.

Gunn Ellefsen, forkvinna í HSF, fegnast um avtaluna:
– Tað er av alstórum týdningi at hava góðar stuðlar, sum eru við til at tryggja grundarlagið undir okkara virksemi. Tað er stuttligt og gevandi at samstarva við eina framfýsna fyritøku sum P/F Wenzel og var tað sera stuttligt, tá P/F Wenzel var og tók ímóti U17-landsliðnum vesturi á flogvøllinum við fimm flottum Volvo bilum eftir at hesir høvdu vunnið European Open.

Tveir landsdystir móti Finnlandi

21. mars 2023

Føroyska kvinnulandsliðið skal spæla tveir dystir móti Finnlandi, ávikavist 4. og 5. apríl. Talan er um venjingardystir.

Lakari avrik móti Rumenia

11. mars 2023

Tað er stórur munur á heima- og útivølli í hondbólti. Hetta má staðfestast eftir stóra ósigurin móti Rumenia í dag. Føroyska manslandsliðið gjørdi nógv álopsmistøk og brendu nógvar málmøguleikar. Føroyar taptu 25-17, eftir 14-10 til rumenar í hálvleikinum.

Útselt til Føroyar – Ukraina

10. mars 2023

Eftir sigurin á Rumenia mikukvøldið, kom av álvara gongd á atgongumerkjasøluna til seinasta heimadystin í hesari EM-undankappingini, og vóru øll atgongumerkini til dystin móti Ukraina seld í gjár.