Við samanhaldni røkka vit longur

Tað heldur Sonni Larsen, landsliðsvenjari hjá monnum. Í hesum døgum er hann á venjingarlegu í Sandoynni við einum bruttohópi, sum telur 25 spælarar.

Teir hava vant dúgliga og hart hesar dagarnar, men teir hava eisini havt stundir at hugna sær við spurnarkappingum og spølum.

Samansjóving er partur av dagsskránni hvønn dag, tí sosialu bondini hava týdning á sjálvum hondbóltsvøllinum, heldur landsliðsvenjarin.

– Samanhaldið er við til at gera, at 2 + 2 gevur 5. Hetta eru spælarar í ymsum aldri frá ymsum feløgum, og gott samanhald er við til at menna spælararnar, sum gevur betur úrslit, sigur Sonni Larsen.

Venjingarlegan byrjaði týsdagin og endar í morgin, leygardagin. Tá verður venjingardystur í høllini í Hoyvík ímóti einum sterkum útvaldum liði, har millum aðrar Filip Jojic, Mladen Mjerimacka og Hørður Sigtórsson eru á liðnum.

Einar og Magni skulu venja U04 kvinnur

21. august 2019

HSF hevur gjørt eina tvey ára avtalu við Einar Jónsson, um at gerast landsliðsvenjari fyri U04 kvinnur. Magni Thomsen verður hjálparvenjari.

U17-kvinnur: Tryggjaðu fimta plássið

11. august 2019

Føroysku U17-kvinnurnar tryggjaðu sær í morgin 5. plássið í EM-kappingini í Tbilisi í Georgia. Føroyar vunnu ein greiðan 30-16 sigur á vertstjóðini, eftir 18-8 í hálvleikinum.

U17-kvinnur: Greiður sigur á Finnlandi

10. august 2019

Føroyar vann í morgun ein greiðan sigur á Finnlandi í kappingini um 5. plássið í EM-kappingini í Tbilisi, Georgia. Fyri at tryggja plássið skal Føroyar vinna móti Georgia í morgin. Úrslitið var 33-22 til Føroyar eftir 19-11 í hálvleikinum.