VÍF og H71 eru føroyameistarar

Tað gjørdist ein ógvuliga spennandi finaluvika, bæði hjá monnum og kvinnum.

Í fyrru kvinnufinaluni vann Kyndil, meðan VÍF vann seinnu finaluna, so at ein triðja finala mátti spælast. Avgerandi finalan gjørdist eisini spennandi, har liðini togaðust um málini. Í seinna hálvleiki dróg VÍF frá og kom framum við fimm málum. Kyndil megnaði at hála seg innaftur á tvey mál, men síðstu minuttirnar dróg VÍF fráaftur og vann 22-17.

Fyrra mansfinalan var ein sannur gysari, sum endaði við javnleiki. Tí var lagt upp til eitt brak av eini seinni FM-finalu, og so varð. Í eini kókandi hoyvíkshøll var spenningur fyri allar pengarnar. Liðini fylgdust mál um mál til átta minuttir vóru eftir.  Við góðum málmansavriki frá Ára Dam í H71-málinum, har hann bjargaði í tveimum skotum á rað og sendi bóltin í tómt Neistamál, komu hoyvíkingar á odda við tveimum málum. Endaliga úrslitið bleiv 21-19.

HSF ynskir VÍF og H71 hjartaliga til lukku við føroyameistaraheitinum og ynskir somuleiðis Kyndli og Neistanum til lukku við silvurinum.


 

Turið til topplið í Íslandi

17. mai 2018

Mikudagin gjørdu Turið Arge Samuelsen og Hondbóltsfelagið Haukar á Hafnarfirði avtalu um, at Turið spælir við besta kvinnuliðnum hjá Haukum kappingarárini 2018/19 og 2019/20.

Fríkast: Danir á føroyska landsliðnum

14. mai 2018

Kjak hevur stungið seg upp um hondbóltsspælarar, sum ikki hava føroysk ættarbond, skulu kunna spæla á føroyskum landsliði, nú málverjin hjá Neistanum, Nicholas Satchwell, er úttikin til bruttohópin hjá A-landsliðnum.

U16 landsliðið vann á U18 hjá Skjern

11. mai 2018

U16 landsliðið hjá Føroyum er í hesum døgum á venjingarlegu í Danmark. Í dag vóru tveir venjingardystir á skránni. Føroyar vunnu annan teirra.