Vilja vera við í FM-stríðnum

Neistin stillar aftur í ár upp við einum sterkum liði, og er uttan iva ein av biðlunum um finaluplássini.

–  Vit hava eitt greitt mál at enda millum fýra tey fremstu liðini í gundspælinum, og harvið vera við í FM-stríðnum. Vit fara sjálvandi inn fyri at vinna hvønn dyst og vilja gjarna uppbyggja ein góðan heimavøll.

Tað sigur Tróndur Kragesteen, liðskipari hjá Neistanum.

Hópurin hjá Neistanum er at kalla tann sami sum í fjør. Carl Herup Olsen og Kristjan Dulavík eru givnir, meðan Hjalti í Jákupstovu er farin av landinum í lestrarørindum.

Tróndur Mikkelsen, sum hevur spælt ungdómshondbólt í Danmark, er hinvegin komin aftur til Neistan.

–  Hann er ein spennandi leikari. Aðrir ungir leikarar fara sikkurt eisini at fáa størri leiklut í ár, millum annað Dánjal Ragnarsson og Julian Kragesteen, greiðir Tróndur frá.

Spurdur, hvønn hann væntar sær størstu kappingina frá í ár, eru tað báðir grannarnir.

– H71 og Kyndil síggja sera sterkir út í ár. Hoyvíkingar hava fingið tilgongd av ungum, evnaríkum spælarum og Kyndil hevur fingið nýggjan venjara. Eg vænti mær serliga truplar dystir móti teimum, sigur spælskiparin hjá Neistanum.

Nýggir landsliðsvenjarar hjá U06-landsliðnum hjá monnum

22. september 2022

Kristinn Guðmundsson og Mark Lausen-Marcher eru settir í starv sum venjarar hjá U06-landsliðnum hjá monnum. Her er talan um dreingir føddir í 2006 og 2007.

Intersport Night Cup 2022

21. september 2022

Nýtið heystfrítíðina aktivt – VÍF bjóðar aftur í ár øllum hondbóltstáhugaðum at luttaka í  ársins Intersport Night Cup. Kappingin verður fyri U10, U12 og U14 gentur og dreingir.

A-landsliðið hjá monnum úttikið

20. september 2022

Landsliðsvenjararnir, Peter Bredsdorff-Larsen og Lars Porskær Møller, hava úttikið hesar 16 leikarar til EM-undandystirnar móti Ukraina og Eysturríki, sum verða ávikavist 12. og 16. oktober.