Vitjan av grønlendska landsstýrisformanninum

Hondbóltssambandið hevði í morgun vitjan av grønlendska landstýrisformanninum Múte B. Egede.

Landstýrisformaðurin er í hesum døgum á almennari vitjan í Føroyum, og hevur hann vitjað ymisk virki, stovnar og í morgun Hondbóltssamband Føroya. Múte B. Egede og konan Sara B. Egede hava bæði spælt hondbólt og ynsktu at vitja HSF á føroyavitjanini.

Á vitjani vóru umframt grønlendsku hjúnini, løgmaður Bárður Nielsen og konan Rakul Nielsen og umboð frá Løgmansskrivstovuni og grønlendsku umsitingini.

Á vitjanini varð, umframt søguligu gongdini, serliga greitt frá tilgondini til eyðsýndu menningina í føroyskum hondbólti seinastu 10 árini, og hvussu Føroyar megna at luttaka í trimum altjóða endaspølum komandi summar.

Eftir fundin var høvið nýtt til at handa Múte og Sara B. Egede nýggju landsliðsblusuna hjá HSF.

Kvinnulandsliðið styrkismett nr. 27 í Evropa

2. desember 2022

Næsta EM-endaspælið hjá kvinnum verður víðka frá 16 til 24 lið, á sama hátt sum EM-endaspælið hjá monnum er.

Bók um Elias

30. november 2022

Elias – ein hondbóltsstjørna, er heitið á nýggjari barnabók, sum Páll Holm Johannesen hevur skrivað.

Europeiskur hondbóltur á Hálsi

28. november 2022

Komandi vikuskiftið skulu H71-kvinnur spæla dystir í European Cup móti DHC Slavia Praha.