Avmarkað áskoðaratal til Faxe Kondi steypafinalurnar

Orsakað av almennu tilmælunum, verður talan um eitt avmarkað tal av áskoðarum, sum sleppa í Høllina á Hálsi at síggja Faxe Kondi steypafinalurnar í vikuskiftinum.

Feløgini, sum hava finalulið, hava fingið eitt avmarkað tal av atgongumerkjum til hvørja finalu, sum tey sjálvi sleppa at seta nøvn á. Bert tey, ið framganga av listunum, sleppa at keypa atgongumerki við dyrnar. Kostnaðurin fyri finalurnar hjá teimum vaksnu er 100 kr., meðan barnafinalurnar kosta 50 kr. Tað er sami prísur fyri vaksin og børn í skúlaaldri. Børn undir skúlaaldur rinda ikki.

Høllin verður deild upp í trý øki, sum hava hvør sína inn- og útgongd. Millum hvønn dyst verða áskoðararplássini tømd, soleiðis at áskoðararnir til tann næsta dystin sleppa framat. Áskoðarar rinda bert fyri ein dyst á gangin og merkir hetta, at áskoðararnir mugu út ímillum hvønn dyst.

Økið í sunnara parti av høllini, har feløgini vanliga hava havt fjepparatiltøk og sølubúðir verður ikki. Tað verður heldur ikki møguligt, at keypa kaffi, te ella annað líknandi í høllini finaluvikuskiftið.

Tey, ið ikki hava møguleika at síggja finalurnar í høllini, kunnu síggja dystirnar hjá teimum vaksnu í KVF ella lurta á FM1. Hartil verða allar barnafinalurnar stroymdar á youtube kanalini hjá HSF – HandballFaroeIslands.

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni