Select, Sport24 og HSF hava gjørt nýggjan 4-ára sáttmála

Seinastu 6 árini hava hondbóltslandsliðini hjá Føroyum spælt í klæðum frá Select. Sáttmálin við Select og Sport24, sum er veitari hjá Select í Føroyum, er nú longdur í 4 ár.

Nýggja avtalan um klædnastuðul varð undirskrivað herfyri á høvuðsskrivstovuni hjá Skálkur-samtakinum á Tinghúsvegnum, har Jógvan Emil Nielsen, næstformaður í HSF, Petur Sólbjørnsson Thomsen, handilsleiðari í Sport24 og Henrik Dahl Kjærgaard, søluráðgevi hjá Select, hittust.

Samstarvið við Select og Sport24 hevur verið framúr og byrjaði longu áðrenn vit av álvara høvdu fingið okkara landsliðsarbeiði í fasta legu. Teir hava trú uppá okkum, og hevur samstarvið verið við til at tryggja framgongdina, viðmerkir Jógvan Emil Nielsen vegna HSF.

Henrik Dahl Kjærgaard viðmerkir, at føroysku landsliðini vóru millum tey fyrstu, sum bóru hondbóltsklæðir frá Select, tá hesi komu í framleiðslu. Hann fegnast um, at føroysku landsliðini hava verið við at bera merki fram og góðu undirtøkuna klæðini hava fingið.

Sport24 er veitari av Select í Føroyum og umsitir sáttmálan fyri Select. Vit eru glað og errin av at samstarva við hondbóltin í Føroyum. Framgongdin hjá landsliðunum hevur verið eyðsýnd og vilja vit gjarna lata Føroyar gott í á vøllinum, sigur Petur Sólbjørnsson Thomsen í stuttari viðmerking.

Í næstum kemur ein nýggj landsliðsblusa, sum verður at fáa til keyps bæði í Sport 24 í SMS og umvegis nethandilin hjá Sport 24.

Sáttmálin er galdandi til 31. desember 2025.

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni