FM-finalistarnir funnir

Tað verður VÍF og Kyndil hjá kvinnum og Neistin og H71 hjá monnum, sum hittast í finalunum um føroyameistaraheitið. 

Tað gjørdist greitt um páskirnar, tá vágskvinnur og Kyndilsmenn snávaðu og harvið mistu stigini, ið skuldu til, fyri at hava nakran møguleika at røkka einum finaluplássi.

Hjá kvinnum er VÍF á fyrsta plássi við 38 stigum og hevur tríggjar dystir eftir at spæla, meðan Kyndil hevur 34 stig og tveir dystir eftir.

Hjá monnum er størri spenningur um fyrsta plássið, tí Neistin og H71 hava hvør síni 33 stig og tveir dystir eftir. Um javnt verður í stigum, verður avgjørt eftir innanhýsis úrslitunum millum liðini í landskappingini. Har hevur H71 fyrimunin. Tveir teir fyrstu dystirnir endaðu við javnleiki, í triðja dysti vann H71 32-25 og í fjórða vann Neistin 24-23.

Tann, sum verður nummar eitt í landskappingini avgerð hvør fær fyrsta heimadystin.

Fyrstu finalurnar eru mikudagin 18. apríl ella hósdagin 19. apríl, seinnu leygardagin 21. apríl og møguligu triðju finalurnar eru sunnudagin 22. apríl.

 

 

U18-menn: EM-liðið er úttikið

21. juni 2022

Venjararnir Hjalti Jacobsen og Djóni Gaard Joensen hava úttikið 16 leikarar til U18 EM-endaspælið í Montenegro.

Durita Thomsen nýggj í starvsnevndin

16. juni 2022

Aðalfundur hjá HSF var í gjár. Á skránni var m.a. val  av nevndarlimum. Nýggj í starvsnevndini er Durita Thomsen úr Klaksvík.

U18-kvinnur: HM-liðið er úttikið

14. juni 2022

Venjararnir Simon Olsen og Christoffur Gert Nielsen hava úttikið 16 leikarar til U18 HM-endaspælið í Norðurmakedonia.