U16-kvinnur: Rimmar sigur á Kekkia

Hóast aftanfyri so at siga allan dystin, so vístu okkara rygg og stjólu sigurin í seinasta sekundinum. Føroysku U16-kvinnurnar vunnu ein fínan 17-16 sigur á Kekkia, eftir at Føroyar vóru aftanfyri 10-7 í hálvleikinum.

Dysturin gekk javnt á í fyrra hálvleiki, men vóru kekkar fyri tað mesta frammanfyri. Føroyar vardu væl, fyrst við 5-1, síðani 6-0 verju, har Gyða Djónadóttir var serliga eyðsýnd. Tað gekk tó heldur strilti at fáa mál fyrstu løtuna. Kekkiska verjan stóð væl saman á miðjuni og bakkunum og fingu føroysku vengurnir pláss, men vóru okkara tíverri óhepnar í skotunum. Eftir at liðini høvdu fylgst, bleiv ein trý-máls munur við steðgin 10-7 til Kekkia.

Føroyar byrjaðu sum eitt óløgi í seinna hálvleiki og komu fram um 11-10. Dysturin gekk síðani javnt á og bleiv nakað rótutur hjá báðum liðum. Eisini brendu okkara nakað illa. Føroyar vóru aftanfyri 16-14, tá tað restaðu tveir minuttir, men ein góður endaspurtur, har Føroyar fingu seinasta málið beint sum tíðin fór, gjørdi at Føroyar vunnu ein góðan 17-16 sigur.

Føroyar spæla aftur kl. 17.00 í dag móti Litava. Allir dystir kunnu stroymast á ehftv.com.

Dystargongdin Kekkia – Føroyar:
5 min. 2-2
10 min. 4-3
15 min. 6-5
20 min. 10-7
25 min. 11-11
30 min. 13-12
35 min. 14-13
40 min. 16-17

Málskjúttar hjá Føroyum:
Sigrið Hansdóttir 7
Aleksandra Arge 2
Hervør Hansen 2
Olivia Kristiansen 2
Fía Nolsøe 1
Andrea Heinadóttir 1
Hanna Thomsen 1
Nana Yaa Deku 1

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni